الاتاۋ اۋدانىندا بيىل «حالىق قاتىساتىن بيۋدجەت» باعدارلاماسى بويىنشا ءبىراز دۇنيە قولعا الىندى. اۋدان اكىمى دانيار قىرىقبايەۆ وڭىرلىك كوممۋنيكاسيالار الاڭىندا ىرىكتەلگەن 50 جوبا ماقۇلدانعانىن ايتتى، دەپ حابارلايدى aqshamnews.kz
جوبالار قالالىق ورتانى اباتتاندىرۋدىڭ نەگىزگى باعىتىن قامتيدى. اتاپ ايتقاندا:
- جاڭارتۋ مەن اباتتاندىرۋ جۇمىستارى جۇرگىزىلگەن 16 اۋلا؛
- تۇرعىنداردىڭ ءوتىنىشى بويىنشا جاسالعان 31 قوعامدىق كەڭىستىك؛
- كەشكى ۋاقىتتا قاۋىپسىزدىكتى ايتارلىقتاي ارتتىرعان كوشە جارىعىن جاڭعىرتۋعا ارنالعان 3 جوبا.
بۇل جۇمىس قالاداعى بىرنەشە ۇلكەن تۇرعىلىقتى جاي مەن كولىك جولىنىڭ بويىندا جۇزەگە اسىرىلدى. اتاپ ايتقاندا، قاراسۋ، اقبۋلاك، سايالى، زەردەلى شاعىناۋداندارىندا، سونداي-اق رىسقۇلوۆ داڭعىلى مەن باۋىرجان مومىش ۇلى كوشەسىنىڭ بويىن اباتتاندىرىپ شىقتى.
اۋدان اكىمىنىڭ ايتۋىنشا، «حالىق قاتىساتىن بيۋدجەت» باعدارلاماسى تۇرعىندارعا قالالىق ينفراقۇرىلىمدى دامىتۋعا اتسالىسۋعا مۇمكىندىك بەرەتىن ەڭ سۇرانىسقا يە تەتىكتىڭ ءبىرى بولىپ قالىپ وتىر. بيىل جاڭا الاڭدار سالىنىپ، جارىق بەرىلىپ، اۋلاسى جايلى بولا ءتۇسىپ، الماتىلىقتاردىڭ ءومىر ساپاسىن جاقسارتۋعا باعىتتالعان باعدارلامانىڭ پايدالى ەكەنىن كورسەتكەن.