ءقازىر جاعدايى جاقسى.
الماتىلىق دارىگەرلەر عاسىر جاساعان كەيۋانانى يزاتيما جەكەنوۆا اتىنداعى قالالىق ينفەكسيالىق اۋرۋحانادان شىعاردى، دەپ حابارلايدى Almaty-akshamy.kz Almaty.tv سىلتەمە جاساپ.
دامەش قاراتايەۆا 5 اقپاندا جوتەل مەن السىزدىك دەندەپ، اۋرۋحاناعا تۇسكەن. دارىگەرلەردىڭ ايتۋىنشا، سول كەزدە كەيۋانانىڭ جاعدايى اۋىر بولىپتى. بىردەن ينتەنسيۆتى تەراپياعا كىرىستىك دەگەن ماماندار «اۋرۋدى جەڭۋدەگى باستى نارسە – ناۋقاستىڭ ومىرگە دەگەن قۇشتارلىعى» دەيدى.
«كت-1» 25 پايىزبەن ءتۇستى. جالپى، تۇسكەن كەزدە باسى اينالىپ، جوتەلمەن، السىزدىكپەن اۋىر حالدە بولدى. ءقازىر جاعدايى جاقسى»، - دەدى ي. جەكەنوۆا اتىنداعى قالالىق كلينيكالىق اۋرۋحانانىڭ ءبولىم باسشىسى ءدانيا ناسىربەكوۆا.
عاسىرلىق عۇمىر كەشكەن كەيۋانانىڭ ءوزى ۇيىنە قايتۋعا اسىق. ەكى ءسوزىنىڭ بىرىندە اق حالاتتىلارعا العىسىن ايتىپ، جاعدايىنىڭ جاقسارعانىنا ءدان ريزالىعىن ءبىلدىردى.
«مەنى ەمدەپ، قولداۋ ءبىلدىرىپ جاتقان بارىڭە راحمەتىمدى ايتامىن، اينالايىندار! ءومىر جاستارىڭ ۇزاق بولسىن! مەنىڭ جاسىمدى بەرسىن، ءاۋمين!» - دەپ باتاسىن بەردى دامەش قاراتايەۆا.