الماتىدا تاعى 102 كاسىپكەر زالال وتەماقىسىن الدى
بۇل تۋرالى الماتى قالاسى كاسىپكەرلىك جانە ينۆەستيسيالار باسقارماسىنان ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الماتىدا بيزنەس سۋبەكتىلەرىنە مۇلىكتىك زياندى انىقتاۋ جونىندەگى وڭىرلىك كوميسسياسى جالپى سوماسى 188،6 ملن تەڭگەگە كاسىپكەرلەردىڭ 102 ءوتىنىمىن ماقۇلدادى. ونىڭ ىشىندە 55،2 ملن تەڭگە سوماسىنا بەرىلگەن 32 ءوتىنىم بيۋدجەت قاراجاتى ەسەبىنەن، قالعان 133،4 ملن تەڭگەنىڭ 70 ءوتىنىمى «جاڭا الاتاۋ» قايىرىمدىلىق قورىنىڭ قاراجاتىنان قارجىلاندىرىلدى.
ايتا كەتەيىك، كوميسسيا جۇمىسىنىڭ بارلىق كەزەڭىندە بۇگىنگى تاڭدا 644،9 ملن تەڭگە سوماسىنا بەرىلگەن 362 ءوتىنىم ماقۇلداندى، ونىڭ ىشىندە 212،4 ملن تەڭگەگە بەرىلگەن 140 ءوتىنىم بيۋدجەت قاراجاتىنان، 432،5 ملن تەڭگەگە بەرىلگەن 222 ءوتىنىم قور قاراجاتىنان قارجىلاندىرۋعا يە بولدى.
«زارداپ شەككەن شاعىن جانە ورتا بيزنەس سۋبەكتىلەرىنەن وتىنىمدەر ءتۇسۋ جالعاسۋدا، Info Kazakhstan سايتىنا الماتى قالاسى كاسىپكەرلەرىنەن بارلىعى 2 مىڭعا جۋىق ءوتىنىم كەلىپ ءتۇستى»،- دەپ مالىمدەدى باسقارمادا.