مۇنداي تۇجىرىمدى نورۆەگيا عالىمدارى جاساپ وتىر.
"زياندى تاماقتان باس تارتۋ ادام ءومىرىن ۇزارتۋعا كومەكتەسەدى"، - دەيدى بەرگەن ۋنيۆەرسيتەتىنىڭ عالىمدارى.
زەرتتەۋ قورىتىندىسى PLOS Medicine جۋرنالىندا جاريالانعان، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
ماماندار بىرنەشە مىڭ جاس ايەل مەن ەر ادامنىڭ قاتىسۋىمەن زەرتتەۋ جۇرگىزگەن. ناتيجەسىندە مايلى، تۇزدى تاعامداردان، قىزىل ەتتەن، جارتىلاي فابريكاتتار مەن تاتتىلەردەن باس تارتۋ ادام دەنساۋلىعىن ايتارلىقتاي جاقسارتاتىنىن انىقتالعان. بۇل ءۇشىن مەيلىنشە دۇرىس تاماقتانۋعا كوشىپ، بۇرشاق، بالعىن جەمىس-جيدەك پەن كوكونىستى، جاڭعاقتار مەن تۇتاس ءداندى ونىمدەردى تۇتىنۋ قاجەت. وسىلايشا، زەرتتەۋشىلەر تاماقتانۋ راسيونىنداعى مۇنداي وزگەرىستەر ءومىر ءسۇرۋ ۇزاقتىعىن شامامەن 10 جىلعا ۇزارتۋى مۇمكىن دەگەن قورىتىندىعا كەلگەن.
«ءارتۇرلى تاعامداردىڭ قانشالىقتى پايدالى ەكەنىن ءتۇسىنۋ ادامدارعا دەنساۋلىعىنىڭ ايتارلىقتاي جاقسارۋىنا قول جەتكىزۋگە مۇمكىندىك بەرەدى. بۇل ءوز كەزەگىندە ءومىر ءسۇرۋ ۇزاقتىعىن ارتتىرۋعا كومەكتەسەدى»، - دەيدى عالىم لارس فايانسە.