مەملەكەتتىك ورگاندار باسشىلارى مەن بىلىكتى ەرىكتى زاڭگەرلەر قاتارىنان قۇرالعان سىبايلاس جەمقورلىققا قارسى موبيلدىك توپ الماتى قالاسىنىڭ 100-دەن استام كاسىپكەرىنە قۇقىقتىق كەڭەس بەردى، دەپ حابارلايدى اlmaty-akshamy.kz.
ءموبيلدى توپتىڭ نەگىزگى ماقساتى – ازاماتتاردىڭ زاڭ كونسۋلتاسيالارىنا قول جەتكىزۋىن قامتاماسىز ەتۋ جانە ولاردىڭ وزەكتى ماسەلەلەرىن زاڭعا سايكەس جەدەل شەشۋ.
حالىققا ىڭعايلى بولۋ ءۇشىن ءىس-شارانى وتكىزۋ ورنى رەتىندە 340-تان استام بيزنەس سۋبەكتىسى ورنالاسقان «اتاكەنت مولل» ساۋدا-ويىن-ساۋىق ورتالىعى تاڭدالدى.
ماسەلەلەردىڭ كوپشىلىگى سالىق سالۋ، كەدەندىك اكىمشىلەندىرۋ، جەر قاتىناستارى جانە قۇرىلىس سالالارى بويىنشا كوتەرىلدى.
اكسيا بارىسىندا ازاماتتار 9 بىلىكتى زاڭگەر-ەرىكتىلەردەن جانە قالانىڭ 12 مەملەكەتتىك ورگاندارىنىڭ باسشىلارىنان تەگىن قۇقىقتىق كومەك پەن كەڭەس الدى.
مەملەكەتتىك ورگاندار تاراپىنان شارالار قابىلداۋدى تالاپ ەتەتىن ماسەلەلەر الماتى قالاسىنىڭ سىبايلاس جەمقورلىققا قارسى قىزمەتىنىڭ ەرەكشە باقىلاۋىنا الىندى.
اتالعان ءىس-شارا «سىبايلاس جەمقورلىققا قارسى ۆولونتەرلىك» جانە «بيزنەسكە جول» جوبالارىن ىسكە اسىرۋ شەڭبەرىندە ۇيىمداستىرىلدى.
وسىنداي كوشپەلى كونسۋلتاسيالار قالانىڭ باسقا دا ساۋدا-ويىن-ساۋىق ورتالىقتارىندا جالعاساتىن بولادى.