سينوپتيكتەر 28 ساۋىرگە ارنالعان قازاقستان اۋماعىنداعى اۋا رايىنىڭ ءقاۋىپتى قۇبىلىستارىنا قاتىستى بولجاممەن ءبولىستى.
سينوپتيكتەردىڭ بولجامىنشا، ەلىمىزدىڭ سولتۇستىك جانە وڭتۇستىك وڭىرلەرىندە تۇراقسىز اۋا-رايى كۇتىلەدى، نايزاعايمەن جاڭبىر جاۋادى، وڭتۇستىكتىڭ، وڭتۇستىك-شىعىستىڭ تاۋلى ايماقتارىندا جاڭبىر مەن قار تۇرىندە جاۋىن-شاشىن، وڭتۇستىك-شىعىستا كەي ۋاقىتتاردا قاتتى جاۋىن-شاشىن جاۋادى، دەپ حابارلايدى اlmaty-akshamy.kz.
ەلىمىزدىڭ باتىسىنا، شىعىسىنا، ورتالىعىنا انتيسيكلون اسەر ەتەدى، ونىمەن جاۋىن-شاشىنسىز اۋا-رايى كۇتىلەدى. رەسپۋبليكا بويىنشا جەلدىڭ كۇشەيۋى، وڭتۇستىگىندە، وڭتۇستىك-شىعىسىندا بۇرشاق، وڭتۇستىگىندە داۋىل، شاڭدى داۋىل، وڭتۇستىك-شىعىسىندا تۇمان كۇتىلەدى.
جامبىل وبلىسىنىڭ تۇندە شىعىسىندا، تاۋلى اۋداندارىندا 2 گرادۋس ۇسىك كۇتىلەدى.
ماڭعىستاۋ وبلىسىنىڭ باسىم بولىگىندە، قىزىلوردا وبلىسىنىڭ ورتالىعىندا، وڭتۇستىگىندە، تۇركىستان وبلىسىنىڭ سولتۇستىگىندە، اتىراۋ وبلىسىنىڭ وڭتۇستىگىندە جوعارى ءورت ءقاۋىپى ساقتالادى، جەتىسۋ وبلىسىنىڭ سولتۇستىگىندە، اباي، قاراعاندى وبلىستارىنىڭ وڭتۇستىگىندە جوعارى ءورت ءقاۋىپى كۇتىلەدى.