1 ناۋرىز بەن 1 ءساۋىر ارالىعىندا الماتىدا «تازا قازاقستان» باعدارلاماسى اياسىندا «الماتى – ءبىزدىڭ ورتاق ءۇي̆ءىمىز» اۋقىمدى ناۋقانى وتەدى. ناۋقان ماقساتتارىنىڭ ءبىرى - ەكولوگيالىق مادەنيەتتى ارتتىرۋ جانە قالا تۇرعىندارى اراسىندا قورشاعان ورتاعا ۇقىپتى قاراۋدى قالىپتاستىرۋ، دەپ حابارلايدى aqshamnews.kz
ناۋقان ءتورت تاقىرىپتىق اپتا بوي̆ىنشا وتەدى، ولار:
* «تازا كوشەلەر» (1-9 ناۋرىز) - ايالدامالاردى، جول بەلگىلەرىن تازارتۋ،قوقىس جاشىكتەرىن ورناتۋ، ماگيسترالداردى اباتتاندىرۋ؛
* «تازا ساياباقتار، سكۆەرلەر مەن تاۋلار» (10-16 ناۋرىز) - تابيعي اي̆ماقتارداعى سەنبىلىكتەر جانە قوقىس جيناۋ جۇمىستارى؛
* «تازا اۋلالار» (17-23 ناۋرىز) - اۋلا اۋماقتارىن، بالالار جانە سپورت الاڭدارىن، اباتتاندىرۋ ەلەمەنتتەرىن جيناۋ جانە سىرلاۋ، كوگالداندىرۋ، «ۇزدىك اۋلا/اۋلا سىپىرۋشى/اۋلا جانىنداعى باۋ-باقشا كونكۋرستارى؛
* «ءبىزدىڭ قالا – ءبىزدىڭ ماقتانىشىمىز» (24 ناۋرىز–1 ءساۋىر) ەسكەرتكىشتەردى اباتتاندىرۋ جانە اعاشتاردى جاپپاي̆ وتىرعىزۋ.
«وتكەن جىلى باستالعان ەكولوگيالىق باستامالاردى جالعاستىرا وتىرىپ، ءبىز بىرگە قالامىزدى تازا ءارى جاي̆لى ەتۋگە تىرىسامىز. 2024 جىلى الماتىدا اباتتاندىرۋدىڭ جاڭا ەرەجەلەرى بەكىتىلدى، ونىڭ اياسىندا 6 مىڭنان استام كاسىپكەرلىك وبەكتىلەرى ءۇشىن اباتتاندىرۋ پاسپورتتارىنىڭ ءجۇي̆ەسى ەنگىزىلدى. بۇگىنگى تاڭدا 4918 پاسپورت رەسىمدەلدى، بۇل جوسپارلانعاننىڭ 82%-ىن قۇراي̆دى. پاسپورتتاۋ قاسبەتتەردى، تروتۋارلاردى، جاسىل اي̆ماقتاردى جانە باسقا دا وبەكتىلەردى قوسا العاندا، ىرگەلەس اۋماقتار ءۇشىن جاۋاپكەرشىلىكتى بەكىتۋگە مۇمكىندىك بەرەدى»، - دەدى الماتى اكىمىنىڭ ورىنباسارى بەي̆ءبىت شاحانوۆ.
ناۋقان اياسىندا 600-دەن استام زاڭسىز ستاسيونارلىق ەمەس ساۋدا نىساندارىن (سەسن) بولشەكتەۋ، 1 ساۋىرگە دەي̆ءىن ۆاندالعا قارسى 12 مىڭ ۋرنا ورناتۋ، 4020-دان استام اۋلانى اباتتاندىرۋ، 445 ساياباق پەن گۇلزاردى، وزەندەر مەن كولدەردىڭ جاعالاۋلارىن تازالاۋ، سونداي̆-اق 5 مىڭ اعاش پەن بۇتا وتىرعىزۋ جوسپارلانعان.
«قۇرمەتتى تۇرعىندار! «ءالماتى-بىزدىڭ ورتاق ءۇي̆ءىمىز»، ال ءاربىر ءۇي̆ تازا ءارى جاي̆لى بولۋ كەرەك. سىزدەردىڭ ءارقاي̆سىلارىڭىزدى قوقىستاردى تازالاۋعا، تابيعاتتى قورعاۋعا جانە تازالىقتى ساقتاۋعا شاقىرامىن. ءبىزدىڭ ناۋقانعا قوسىلىڭىز! ءبىزدىڭ قالا بارلىعىنا ۇلگى بولسىن! الماتىعا دەگەن قامقورلىعىڭىز بەن ءسۇي̆ىسپەنشىلىگىڭىز ءۇشىن راحمەت!»، - الماتى اكىمىنىڭ ورىنباسارى الىشەر ءابدىقادىروۆ وسىلاي̆شا الماتىلىقتاردى قالانى تازارتۋعا بەلسەندى تۇردە قاتىسۋعا شاقىردى.
بارلىق تولىق اقپارات Almaty.kz ساي̆تىندا جاريالاناتىن بولادى