ەلىمىزدىڭ سولتۇستىك وڭىرلەرىندە قۇس تۇماۋى جابايى قۇستاردان تاراعان

ۇيدەگى تاۋىق جانە قاز-ۇيرەكتەرگە قۇس تۇماۋى جابايى قۇستاردان جۇققان

مۇنداي قورىتىندىنى ۆەتەرينارلىق باقىلاۋ جانە قاداعالاۋ كوميتەتىنىڭ باسشىلارى كەلتىردى، دەپ حابارلايدى Almaty-akshamy.kz

سولتۇستىك قازاقستان وبلىسىنىڭ تيميريازيەۆ اۋدانىندا قۇس تۇماۋىنىڭ وشاعى انىقتالىپ، 230 قاز-ۇيرەك پەن تاۋىقتىڭ ولەكسەسى ورتەلدى. قىركۇيەك ايىندا پاۆلوداردىڭ لەبياجە اۋىلىندا دا وسى اۋرۋ تىركەلىپ، مىڭنان استام قاناتتى قىرىلعان.

جالپى، وسى وڭىردەگى قۇس وسىرۋشىلەر وتكەن جىلى دا شىعىنعا باتتى. سوندىقتان بيىل قۇس تۇماۋىنا قارسى ۆاكسينا 5 ەسە كوپ سالىنۋدا. ءقازىر ەپيزووتيالىق جاعداي تۇراقتى دەيدى، ماماندار. دەگەنمەن ەل اۋماعىندا قۇستاردىڭ ءقاۋىپتى ينفەكسياسى ءالى دە بار.

«اۋرۋ جابايى قۇستاردان كەلىپ وتىر. ءسولتۇستىق قازاقستان، اقمولا وبلىسىندا پايدا بولعان وشاقتار جاڭادان تۋعان جانە باسقا جاقتان اكەلگەن قۇستاردان شىعىپ وتىر. ولار ۆاكسينالاۋدان وتپەگەن. شىققان وشاقتاردىڭ اينالاسىن 20 شاقىرىم ۆاكسيناسيا جاسايمىز جانە جابايى قۇستاردىڭ ۇشۋىن بايقاپ وتىرىپ، قازاقستان اۋماعىندا ءقاۋىپتى جەرلەردى ۆاكسيناسيالايمىز»، - دەيدى ق ر اشم ۆەتەرينارلىق باقىلاۋ جانە قاداعالاۋ كوميتەتى ءتوراعاسىنىڭ مىندەتىن اتقارۋشى باۋىرجان ابىزبايەۆ.