20 ساۋىردە تاڭەرتەڭ الماتى تۇرعىندارىنا دابىل سومكەسىن دايىنداۋ ەسكەرتىلدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«وسى بەيسەنبى ساعات 11:00-دە الماتىدا جوسپارلى جالپىقالالىق سەيسميكالىق وقۋ-جاتتىعۋ وتەتىن بولادى. بۇل رەتتە جىلىنا ەكى رەت وتكىزىلەدى. توقسان سايىن قالا ۇيىمدارىندا سەيسميكالىق وقۋ-جاتتىعۋلار وتكىزىلسە، جىل باسىنان بەرى وزىندە 2،8 مىڭنان استام سەيسميكالىق وقۋ-جاتتىعۋلار وتكىزىلدى.
سەيسميكالىق وقۋ-جاتتىعۋدىڭ نەگىزگى ماقساتى – قالا تۇرعىندارىنىڭ توتەنشە جاعداي كەزىندەگى ءىس-قيمىلدارعا دايىندىق دەڭگەيىن ارتتىرۋ، تۇرعىندار ەۆاكۋاسيالاۋ جولدارىن، ءقاۋىپسىز جەرلەردى الدىن الا انىقتاپ، اپاتتىق چەمودانداردى دايىنداۋ»، – دەلىنگەن الماتى قالالىق تج دەپارتامەنتىنىڭ حابارلاماسىندا.
ۆەدومستۆو مالىمەتىنشە، الداعى جالپىقالالىق سەيسميكالىق جاتتىعۋعا الدىن الا دايىندىق جۇرگىزىلۋدە. ماسەلەن، بۇگىننەن باستاپ تەلەارنالار مەن راديوارنالاردا حابارلاندىرۋ باستالىپ، الماتىلىقتار وقۋ-جاتتىعۋعا قاتىستى ەۆاكۋاسيالاۋ تۋرالى اقپاراتتاندىرىلماق.
«سەيسميكالىق وقۋ-جاتتىعۋ كۇنى تەلە جانە راديوارنالار سيرەنالىق قوندىرعىلاردى ىسكە قوسۋ ارقىلى قالالىق ەسكەرتۋ جۇيەسى ىسكە قوسىلادى، «دارمەن» ءموبيلدى قوسىمشاسى ارقىلى push-حابارلامالار جىبەرىلەدى»، - دەپ حابارلادى دەپارتامەنتتەگىلەر.
سونىمەن قاتار، جەر سىلكىنىسى كەزىندە حالىقتىڭ ىس-ارەكەتى بويىنشا جادىنامالار تاراتا وتىرىپ، سونداي-اق تج جاعدايىنا دابىل دورباسى جاساقتاۋ بويىنشا وقىتۋ ترەنينگتەرى وتكىزىلەتىن بولادى.