الماتى بويىنشا مەملەكەتتىك كىرىستەر دەپارتامەنتى قازاقستان اۋماعىندا ۋاقىتشا اكەلىنەتىن كولىكتەردى ساتىپ الۋ، مۇنداي اۆتوكولىكتەردى كەدەندىك راسىمدەۋدەن وتكەن سوڭ، ءتيىستى كەدەندىك تولەمدەر مەن سالىقتاردى تولەگەننەن كەيىن عانا پايدالانۋعا بولاتىنىن ايتتى، دەپ حابارلايدى Almaty-akshamy.kz.
شەتەلدىك جەكە تۇلعالاردىڭ جەكە پايدالانۋعا ارنالعان اۆتوكولىكتى ءبىر جىلدان اسپايتىن مەرزىمگە ۋاقىتشا اكەلۋگە رۇقسات ەتىلەدى.
«اۆتوكولىكتەردى شەتەل ازاماتتارى ۋاقىتشا اكەلگەن كەزدە، ەگەر ولاردى شەتەل ازاماتتارى پايدالانعان بولسا عانا كەدەندىك تولەمدەر تولەنبەيدى»،-دەلىنگەن حابارلامادا.
ۆەدومستۆودا اتاپ وتكەندەي، تالاپ ەتىلەتىن كەدەندىك باجدار مەن سالىقتار تولەنبەگەن جاعدايدا اۆتوكولىك ۋاقىتشا ساقتاۋ قويماسىنىڭ كەدەندىك باقىلاۋ ايماعىندا ۇستالىپ، ورنالاستىرىلۋعا جاتادى.
الداعى ۋاقىتتا كولىك ۇستالعاننان كەيىن ءبىر اي ىشىندە تولەنبەگەن نەمەسە الىنباعان جاعدايدا مۇنداي اۆتوكولىك ساتىلىپ، قاراجات ق ر بيۋدجەتىنە اۋدارىلادى.