2022 جىلدىڭ 7 ايىندا ءمامس پاكەتى ارقىلى كورسەتىلگەن قىزمەتتەر ءۇشىن 78 ملرد تەڭگەگە جۋىق قارجى تولەندى.
بۇل تۋرالى بۇگىنگى بريفينگتە «الەۋمەتتىك مەديسينالىق ساقتاندىرۋ قورى» كەاق الماتى قالالىق فيليالى ديرەكتورى تىلەۋحان ابىلدايەۆ ايتتى، دەپ حابارلايدى Almaty-akshamy.kz
ايتۋىنشا، قاڭتار-شىلدە ارالىعىندا تولەنگەن قارجىنىڭ باسىم بولىگى – 40،6 ملرد تەڭگەسى ستاسيونارلىق دەڭگەيدەگى مەديسينالىق كومەككە، تاعى 3،2 ملرد تەڭگەسى كۇندىزگى ستاسيونار قىزمەتىنە جۇمسالعان.
«7 ايدىڭ ناتيجەسىنە قاراپ، حالىققا كورسەتىلىپ جاتقان مەديسينالىق كومەك كولەمىنىڭ ەداۋىر ارتقانىن بايقاۋعا بولادى. ماسەلەن، بۇعان دەيىن كوپشىلىكتىڭ قالتاسى كوتەرە بەرمەيتىن قىمبات اناليزدەر، دياگنوستيكا مەن وپەراسيا تۇرلەرى ءقازىر مەديسينالىق ساقتاندىرۋ ەسەبىنەن كورسەتىلىپ جاتىر»، – دەدى تىلەۋحان ابىلدايەۆ.
تولەنگەن قارجىنىڭ 15،9 ملرد تەڭگەسى كونسۋلتاتيۆتىك-دياگنوستيكالىق قىزمەتتەرگە تيەسىلى. كونسۋلتاتيۆتىك-دياگنوستيكالىق قىزمەتتەر ىشىندە اسىرەسە، كت مەن مرت-عا دەگەن سۇرانىس جوعارى. جەتى ايدا الماتى قالاسىندا 996،8 ملن تەڭگەگە 62 مىڭنان استام كومپيۋتەرلىك توموگرافيا، 744،2 ملن تەڭگەگە 50 مىڭنان استام ماگنيتتىك-رەزونانستىق توموگرافيا جاسالعان. سونىمەن قاتار، قالا بويىنشا ونكولوگيالىق ىسىكتى انىقتاۋ ماقساتىندا جاسالاتىن 2793 پەت-دياگنوستيكا قىزمەتى كورسەتىلگەن. وعان 750،1 ملن تەڭگە تولەندى.
«سوڭعى جىلدارى ەكستراكورپورالدى ۇرىقتاندىرۋ قىزمەتىنىڭ دە جۇرتشىلىق ءۇشىن ماڭىزى جوعارى بولىپ وتىرعانى راس. قىمبات قىزمەت تۇرىنە جاتاتىن ەكو پروسەدۋراسى 2020 جىلدان باستاپ ءمامس پاكەتىنە ەنىپ، قاراپايىم جۇرتشىلىق ءۇشىن قولجەتىمدى بولا باستادى. 2022 جىلى ەكو باعدارلامالارىنا 3،2 ملرد تەڭگەدەن استام قارجى قاراستىرىلعان. بۇعان بارلىعى 3152 ەكو جاسالۋى ءتيىس. وتكەن 7 ايدا الماتىدا 1639 ەكو جاسالىپ، وعان 1،7 ملرد تەڭگە تولەندى. بيىل وڭتۇستىك استانا بويىنشا اتالعان باعدارلاماعا 8 كلينيكا قاتىسىپ جاتىر»، - دەپ قوستى فيليال باسشىسى.
ايتۋىنشا، قازىرگى تاڭدا ساقتاندىرىلعان ازاماتتار باعاسى قىمبات قىزمەت تۇرلەرىن قارقىندى پايدالانىپ ءجۇر. سونىڭ ءبىرى – مەديسينالىق رەابيليتاسيا. 2022 جىلى كورسەتىلگەن رەابيليتاسيا قىزمەتىنە 4،7 ملرد جۇمسالدى. سالىستىرار بولساق، 2019 جىلى وڭالتۋ قىزمەتىنە بار-جوعى 0،6 ملرد تەڭگە جۇمسالعان، ال 2022 جىلى وعان 7،5 ملرد تەڭگە قاراستىرىلىپ وتىر.
«وعان قوسا، 2020 جىلدان باستاپ حالىقتىڭ جەكەلەگەن ساناتتارى ءۇشىن جوسپارلى ستوماتولوگيالىق كومەك تە قولجەتىمدى بولا باستادى. مىسالى، 7 ايدا ءمامس شەڭبەرىندە 717 مىڭنان استام ستوماتولوگيالىق قىزمەت كورسەتىلگەن، وعان 1،8 ملرد تەڭگە تولەندى. قازىرگى تاڭدا الماتىدا ءمامس شەڭبەرىندەگى ستوماتولوگيالىق كومەكتى 46 كلينيكا كورسەتەدى»، - دەدى تىلەۋحان ابىلدايەۆ.
ەستەرىڭىزگە سالا كەتسەك، مىندەتتى الەۋمەتتىك مەديسينالىق ساقتاندىرۋ ارقىلى جۇكتى ايەلدەر مەن 18 جاسقا دەيىنگى بالالارعا ستوماتولوگيالىق كومەك تەگىن كورسەتىلەدى. ولاردىڭ اراسىندا ءتىستى جانسىزداندىرۋ، حيميالىق پلومبا سالۋ، تەراپيەۆتىڭ قابىلداۋى، پۋلپيت پەن پەريدونتيتتى ەمدەۋ، فليۋوروز، گيپوپلازيا كەزىندە ءتىستىڭ اناتوميالىق ءپىشىنىن تولىق قالپىنا كەلتىرۋ، ءتىستى حيرۋرگيالىق جولمەن جۇلۋ، ت.ب. قىزمەتتەر كىرەدى. ال، شۇعىل ستوماتولوگيالىق كومەك كەپىلدەندىرىلگەن تەگىن مەديسينالىق كومەك پاكەتى شەڭبەرىندە حالىقتىڭ الەۋمەتتىك جاعىنان از قورعالعان ساناتتارىنا عانا كورسەتىلەدى.