ماماندار قوعامدىق ەسكەرتۋ جۇيەسىنىڭ دايىندىعىن جوسپارلى تەحنيكالىق تەكسەرۋدەن وتكىزەدى.
قىركۇيەك 29 كۇنى الماتىلىق قۇتقارۋشىلار دابىل بەلگىسىن ىسكە قوسىپ، تەكسەرۋ جۇمىسىن جۇرگىزەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«29 قىركۇيەك ساعات 12.55-تە الماتى قالاسى توتەنشە جاعدايلار دەپارتامەنتى قوعامدىق ەسكەرتۋ جۇيەسىنىڭ دايىندىعىن جوسپارلى تەحنيكالىق تەكسەرۋدەن وتكىزەدى. جاتتىعۋ كەزىندە «نازار اۋدارىڭىزدار!» حابارلاماسىمەن بىرگە ەلەكتروندى دابىل ىسكە قوسىلادى. وعان قوسا، تەلەراديوارنا جۇمىسى اۆتوماتتى تۇردە توقتاتىلىپ، دابىل حابارلاماسى تاراتىلادى»، - دەپ اتاپ ءوتتى دەپارتامەنتتەن.
ۆەدومستۆو الماتى قالاسىنىڭ تۇرعىندارى مەن قوناقتارىنان سابىر ساقتاۋدى سۇرايدى.
«بۇكىل ەرەسەك ادامدار وزدەرى ۇرەيگە بەرىلمەي، بالالارعا سيرەنانىڭ دىبىسى «بارشانىڭ نازارىنا!» دابىلى ەكەندىگىن ءتۇسىندىرۋ قاجەت. پودەزد جانە تۇرعىلىقتى جەرى بويىنشا كورشىلەرگە حابارلاڭىزدار، ويتكەنى ولار بەرىلگەن اقپاراتتى ەستىمەگەن بولۋى مۇمكىن. كەز كەلگەن دۇربەلەڭ مەن قاۋەسەتتى دەرەۋ توقتاتىڭىز»،- دەلىنگەن حابارلامادا.
ەگەر دابىل كەزىندە ءسىز ۇيدە بولساڭىز، وندا:
- راديوقابىلداعىشتى نەمەسە تەلەديداردى قوسىڭىز؛
- توتەنشە جاعداي تۋرالى حابارلامانى تىڭداڭىز؛
- بەرىلگەن حابارلاماعا سايكەس ارەكەت ەتىڭىز.
- ەگەر دابىل كەزىندە كوشەدە بولساڭىز، وندا:
- كوشەدەگى داۋىس زورايتقىشتارمەن جانە ءموبيلدى ەسكەرتۋ قۇرىلعىلارىمەن جىبەرىلگەن توتەنشە جاعداي تۋرالى حابارلاماعا قۇلاق اسىڭىز؛
- بەرىلگەن حابارلاماعا سايكەس ارەكەت ەتىڭىز.