2022 جىلدىڭ 7 ايىندا الماتىلىقتار امبۋلاتوريا دەڭگەيىندە 13،3 ملرد تەڭگەنىڭ دارى-دارمەگىمەن قامتاماسىز ەتىلگەن.
بۇل تۋرالى بۇگىن بريفينگتە مەديسينالىق ساقتاندىرۋ قورى الماتى فيليالىنىڭ ديرەكتورى تىلەۋحان ابىلدايەۆ حابارلادى. ايتۋىنشا، ساقتاندىرۋ ەنگىزىلگەلى بەرى الماتى تۇرعىندارى مەديسينالىق قىزمەتتەردى بەلسەندى پايدالانىپ كەلەدى، دەپ حابارلايدى Almaty-akshamy.kz.
سونىڭ ىشىندە مەديسينالىق قىزمەت كولەمى عانا ەمەس، سىرقات تۇرلەرىنە قاراي بەرىلەتىن دارى-دارمەك سانى دا بىرنەشە ەسە ارتقان.
بۇگىندە تۇرعىندار بەلگىلى ءبىر سىرقاتتار بويىنشا تەگىن مەديسينالىق كومەك جانە ساقتاندىرۋ پاكەتتەرى شەڭبەرىندە تەگىن دارى-دارمەك الا الادى. ونىڭ ىشىندە الەۋمەتتىك ماڭىزى بار، سوزىلمالى جانە جەدەل اۋرۋلار، كوروناۆيرۋس ينفەكسياسىنا شالدىققاندارعا بەرىلەتىن دارىلەر دە بار.
«وتكەن 7 ايدا الماتى قالاسى بويىنشا تەگىن مەديسينالىق كومەك پاكەتى بويىنشا 149 مىڭنان استام پاسيەنت دارى-دارمەكپەن قامتاماسىز ەتىلگەن. ءمامس پاكەتى بويىنشا195 مىڭنان استام ەرەسەك، 19 مىڭعا جۋىق بالا تەگىن دارى-دارمەك الدى»، - دەدى فيليال باسشىسى.
تەگىن دارى-دارمەك كىمدەرگە بەرىلەدى؟
تەگىن مەديسينالىق كومەك پاكەتىندە:
ديسپانسەرلىك ەسەپتە تۇرعان قازاقستان ازاماتتارى، ىقتيارحاتى بار شەتەل ازاماتتارى 50 ءتۇرلى دەرت بويىنشا دارى-دارمەكپەن قامتاماسىز ەتىلەدى.
ءمامس پاكەتىندە:
بەلگىلى ءبىر سىرقاتىنا بايلانىستى ديسپانسەرلىك ەسەپتە تۇرعان، ساقتاندىرىلعان ازاماتتار قامتاماسىز ەتىلەدى. ساقتاندىرۋ پاكەتى ارقىلى ەرەسەكتەرگە 50 نوزولوگيا، بالالارعا 73 نوزولوگيا بويىنشا ءدارى تەگىن بەرىلەدى.
دارى-دارمەك 18 جاسقا تولماعان بالالارعا دارىگەر تاراپىنان دياگنوزى ناقتىلانعاننان كەيىن بەرىلەدى.
تەگىن ءدارى الۋ ءۇشىن نە ىستەۋ قاجەت؟
• الدىمەن ەمحاناعا تىركەلۋ كەرەك
• ديسپانسەرلىك باقىلاۋعا الىناتىن سىرقاتى بولسا، ءتيىستى ەسەپكە تۇرۋ قاجەت
• ۋچاسكەلىك دارىگەر/تەراپيەۆت نەمەسە ەمدەپ جاتقان سالالىق ماماننان دارى-دارمەككە رەسەپت الادى.
تەگىن مەديسينالىق كومەك جانە ءمامس پاكەتى ارقىلى بەرىلەتىن دارىلىك زاتتاردىڭ ناقتى تىزىمىمەن مىنا سىلتەمە ارقىلى تانىسۋعا بولادى: https://adilet.zan.kz/rus/docs/V2100023885#z47