ماشينانىڭ سانىن 100-گە دەيىن كوبەيتۋ جوسپارلاندى
قالادا 20 مىڭنان اسا كەمباعال جان بولسا، سونىڭ تەك 5 مىڭعا جۋىعى عانا ارنايى اۆتوكولىكتەردى قولدانا الادى. الماتىدا مۇمكىندىگى شەكتەۋلى جانداردى تاسيتىن ارنايى كولىكتەر جەتىسپەيدى. ينۆاتاكسيدىڭ كومەگىنە جۇگىنۋ ءۇشىن ەرەكشە قاجەتتىلىگى بار ادامدار بىرنەشە كۇن بۇرىن تاپسىرىس بەرىپ، كەزەككە تۇرۋعا ءماجبۇر، دەپ حابارلايدى Almaty-akshamy.kz Almaty.tv-گە سىلتەمە جاساپ.
قالادا 20 مىڭنان اسا كەمباعال جان بولسا، سونىڭ تەك 5 مىڭعا جۋىعى عانا ارنايى اۆتوكولىكتەردى قولدانا الادى. مۇمكىندىگى شەكتەۋلى جانداردىڭ تۇيتكىلدەرىن ىلعي كوتەرىپ جۇرەتىن ۇلان ىڭكاربەكوۆ ينۆاتاكسيدىڭ قىزمەتىنە وتە سيرەك جۇگىنەم دەيدى. ويتكەنى ارنايى كولىكتەرگە قول جەتكىزۋ قيىن. سوزىنشە ماشينالار ەڭ الدىمەن جۇمىس ىستەيتىن، وقۋعا باراتىن جاندارعا قىزمەت كورسەتەدى.
«جۇمىس ىستەيتىن ادامداردى كۇندە تەگىن اپارىپ، الىپ كەتەدى. ماشينانىڭ جەتىسپەۋشىلىگىنەن جۇمىس ىستەمەيتىن، وقىمايتىنداردار قولدانا المايدى. ەگەر قوناققا نەمەسە باسقا جاققا بارۋ كەرەك بولسا، كولىكتىڭ بوساعانىڭ كۇتۋگە ءماجبۇر»، – دەدى بوستاندىق اۋداندىق مۇگەدەكتەر قوعامىنىڭ ءتوراعاسى ۇلان ىڭكاربەكوۆ.
«تاڭعى 7:00-دەن كەشكى 19:00-گە دەيىن جۇرەمىز. تۇسكى اس ىشپەيمىز. ويتكەنى بالالار ۇلگەرۋ كەرەك. بىرەۋى ەمگە بارادى، بىرەۋى ەمنەن قايتادى. جىلدام ءجۇرۋ ءۇشىن ءبىز رادار قولدانامىز. سەبەبەى تەز جەتپەسەك اناسى مەن بالاسى قينالىپ قالادى»، – دەدى «ينۆاتاكسي» ارنايى اۆتوكولىگىنىڭ جۇرگىزۋشىسى ءجۇمادىل باينازاروۆ.
بۇل ماسەلەنى سالاعا جاۋاپتى ماماندار جاقسى بىلەدى. تۇيتكىلدى شەشۋ ءۇشىن بيىل الماتى اكىمدىگى ينۆاتاكسيلەردى ەكى ەسەگە كوبەيتپەك. بۇگىندە مۇمكىندىگى شەكتەۋلى جانداردى تەگىن تاسىمالدايتىن 46 ارنايى كولىك بولسا، ەندى ونىڭ سانى 100-گە دەيىن ارتادى.
«ينۆاتاكسي بويىنشا بىزدە قالادا جەتكىلىكتى قاراجات بولىنگەن. 46 اۆتوكولىك بار بولسا، قالا اكىمىنىڭ قولداۋىمەن جانە ءماسليحاتقا دا شىعاردىق. بىزدە 100 ماشيناعا دەيىن جەتكىزۋ، جاقىن ارادا كونكۋرس ۇيىمداستىرىلادى. ماشينانىڭ سانىن 100-گە دەيىن كوبەيتۋدى جوسپارلاپ وتىرمىز»، – دەدى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى دانيار الكەباي ۇلى.
وسى ماقساتتا قالا قازىناسىنان بيىل 244 ملن تەڭگە ءبولىنىپتى. ۇلان ىڭكاربەكوۆ بۇل كەمباعال جاندارعا تامشىداي بولسا دا كومەك بولاتىنىن ايتادى.
«ەكى ەسە كوبەيسە، بۇل بۇكىل ماسەلەنى شەشپەسە دە، جاقسى بولار ەدى. ءاربىر 10 ماشيناعا ارنايى تاكسوپاركتەر بار. ول دا ءوز قاراجاتىنا شاقىرىپ بارىپ كەلگەنگە كومەك بولادى»، – دەدى بوستاندىق اۋداندىق مۇگەدەكتەر قوعامىنىڭ ءتوراعاسى ۇلان ىڭكاربەكوۆ.
ءقازىر قالادا 20 مىڭنان اسا ازامات ءجۇرىپ-تۇرۋ قابىلەتىنەن ايىرىلعان. بۇگىندە سونىڭ تەك 5 مىڭعا جۋىعى ارنايى كولىكتەردى قولدانا الادى. جىل باسىنان بەرى ينۆاتاكسي قىزمەتى 58 مىڭنان اسا ساپار جاساپتى.