2024 جىلعى شومىلۋ ماۋسىمى باستالعالى ەلىمىزدىڭ سۋ ايدىندارىندا 100-دەن استام ادام سۋعا باتتى، ونىڭ 35ء-ى بالالار. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى تجد ازاماتتىق قورعانىس باسقارماسىنىڭ اعا وفيسەرى، كاپيتان ەسبول سۇلتانوۆ مالىمدەدى، دەپ حابارلايدى aqshamnews.kz
«2024 جىلعى شومىلۋ ماۋسىمى كەزەڭىندە الماتى قالاسىنىڭ سۋ ايدىندارىندا توتەنشە جاعدايلار تىركەلگەن جوق. الماتىدا جانە تاۋ بوكتەرىندەگى اۋدانداردا بارلىعى 44 سۋ ايدىنى (توعاندار، كولدەر، وزەندەر) بار. سۋ ايدىندارىنىڭ ءقاۋىپتى ۋچاسكەلەرىندە 83 «شومىلۋعا تىيىم سالىنادى" دەگەن بەلگى جانە 7 اقپاراتتىق ستەند ورناتىلدى»، – دەدى ەسبول سۇلتانوۆ.
2024 جىلعى شومىلۋ ماۋسىمى كەزەڭىندەگى قاۋىپسىزدىكتى قامتاماسىز ەتۋ ماقساتىندا دەپارتامەنت مەملەكەتتىك ورگاندارمەن جانە ۇيىمدارمەن بىرلەسىپ بەلگىلى ءبىر جۇمىس جۇرگىزۋدە.
«680-دەن استام بىرلەسكەن رەيد جۇرگىزىلدى، ونىڭ شەڭبەرىندە سۋ ايدىندارىنداعى قاۋىپسىزدىك ەرەجەلەرىن بۇزعانى ءۇشىن ق ر اقبتك-نىڭ 412-بابى بويىنشا جالپى سوماسى 595 مىڭ تەڭگەگە 23 ادام اكىمشىلىك جاۋاپكەرشىلىككە تارتىلدى، 364-باپ بويىنشا جالپى سۋ پايدالانۋ ەرەجەلەرىن بۇزعانى ءۇشىن 6 ادامعا ەسكەرتۋ بەرىلدى، 440-باپ بويىنشا الكوگولدىك ىشىمدىكتەردى ىشكەنى ءۇشىن ق ر اقبتك-نىڭ 412-بابى بويىنشا 6 ادام اكىمشىلىك جاۋاپكەرشىلىككە تارتىلدى، سوماسى 110 760 تەڭگە»، - دەدى ول.
وكق سپيكەرى كۇن سايىن ق ر تجم رجقو قۇتقارۋشىلارى بوستاندىق، مەدەۋ جانە ناۋرىزباي اۋداندارىنىڭ تاۋلى وزەندەرىندە رەيدتەر جۇرگىزەتىنىن اتاپ ءوتتى.
اپتا سايىن ۇيالى بايلانىس وپەراتورلارى ارقىلى «الماتى قالاسىندا بەلگىلەنبەگەن جەرلەردە شومىلۋعا تىيىم سالىنادى»، «بالالاردى سۋ ايدىندارىندا ەرەسەكتەردىڭ قاراۋىنسىز قالدىرماڭىز» دەگەن ماتىنمەن سمس-تاراتىلادى.
ەكى جىل بۇرىن الماتىدا ءجۇزۋ شەكاراسىن انىقتاۋعا جانە باتىپ بارا جاتقانداردى ەرتە انىقتاۋعا مۇمكىندىك بەرەتىن قاشىقتىقتان مونيتورينگ جۇرگىزەتىن جۇيە سىنالعان بولاتىن. قازىرگى ۋاقىتتا قالا سۋ ايدىندارىنىڭ 9 ءقاۋىپتى ۋچاسكەسىندە وسىنداي كامەرالار ورناتۋدى جوسپارلاپ وتىر.
ەسبول سۇلتانوۆ جاقىن ارادا سايران كولى الماتى تۇرعىندارى مەن قوناقتارى ءۇشىن جايلى جانە ءقاۋىپسىز دەمالىس ورنىنا اينالاتىنىن ايتتى. قالا اكىمى ەربولات دوسايەۆتىڭ وكىمىمەن مۇندا نەگىزگى سۋ ايدىنىن قايتا قۇرۋ بويىنشا اۋقىمدى جوبا جۇزەگە اسىرىلۋدا.
ق ر تجم رەسپۋبليكالىق جەدەل-قۇتقارۋ جاساعىنىڭ سۇڭگۋىر-قۇتقارۋ بولىمشەسىنىڭ باسشىسى اندرەي بىبچەنكو سۋ ايدىندارىندا قاۋىپسىزدىكتى قامتاماسىز ەتۋ ماقساتىندا پراكتيكالىق جانە پروفيلاكتيكالىق ءىس-شارالار كەشەنى جۇرگىزىلىپ جاتقانىن اتاپ ءوتتى.
«بارلىق قىزمەتتەر سۋ ايدىندارىنىڭ، ساياباق ايماقتارىنىڭ جاعدايىن جاقسارتۋ ءۇشىن جۇمىس ىستەيدى. جانە ادامدارعا تەك قاۋىپسىزدىك تەحنيكاسى ايتىلىپ قانا قويماي، دەمالىس مادەنيەتى تۋرالى اقپارات جەتكىزەتىن رەيدتەر جۇرگىزىلۋدە»، - دەدى ول.
تجد ازاماتتاردى سۋداعى قاۋىپسىزدىك ەرەجەلەرىن ساقتاۋعا شاقىرادى:
- تىيىم سالىنعان جەرلەردە شومىلۋعا بولمايدى؛
- بالالاردى سۋدىڭ جانىندا قاراۋسىز قالدىرماڭىز؛
- جۇزە الماساڭىز بەلدەن جوعارى سۋعا تۇسپەڭىز؛
- قايىقتاردان، كوپىرلەردەن جانە ايلاقتاردان سۋعا سەكىرمەڭىز؛
- تۇندە شومىلۋعا بولمايدى؛
- تاۋ وزەندەرىندە شومىلۋعا بولمايدى.