الماتىلىقتاردى جاڭا وقۋ جىلىندا ءبىرقاتار جاڭالىقتار كۇتىپ تۇر

الماتى مەكتەپتەرى بەس كۇندىك وقۋ جۇيەسىنە اۋىسادى، ال وقۋ جىلى 31 مامىردا اياقتالادى.

2022-2023 وقۋ جىلىنىڭ جاڭالىقتارى تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ءبىلىم باسقارماسى باسشىسىنىڭ ورىنباسارى ايدىن سايلاۋباي ايتىپ بەردى، دەپ حابارلايدى Almaty-akshamy.kz

جاڭا وقۋ جىلىنان باستاپ الماتى مەكتەپتەرى بەس كۇندىك وقۋ جۇيەسىنە اۋىسادى، ال  وقۋ جىلى 31 مامىردا اياقتالادى.

«قازاق ءتىلدى مەكتەپتەردە «الىپپە» جانە «انا ءتىلى» پاندەرى وقىتىلادى، ورىس ءتىلى 2 سىنىپتان، اعىلشىن ءتىلى 3 سىنىپتان باستاپ وقىتىلادى»، - دەدى ا.سايلاۋباي.

ورىس تىلىندە ءبىلىم بەرەتىن مەكتەپتەردە «الىپپە»، «ساۋاتتىلىققا وقىتۋ» جانە «قازاق ءتىلى» وقىتىلادى، اعىلشىن ءتىلىن 3-سىنىپتان باستاپ وقىتىلا باستايدى.

1-سىنىپتاردا كوركەم ەڭبەك «ەڭبەككە باۋلۋ» جانە «بەينەلەۋ ونەرى» بولىپ ەكى پانگە ءبولىندى.

سپورت زالدارىنىڭ شامادان تىس جۇكتەلۋىنە بايلانىستى جانە بالالاردىڭ قاۋىپسىزدىگىن قامتاماسىز ەتۋ ءۇشىن وسى وقۋ جىلىنان باستاپ دەنە شىنىقتىرۋ ساباقتارىندا سىنىپتاردى توپقا ءبولۋ جۇزەگە اسىرىلمايدى.