ءقازىر قالادا مەكتەپتەردەگى ورىن تاپشىلىعىن ازايتۋ شارالارى جالعاسۋدا.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالالىق ءبىلىم باسقارماسى باسشىسىنىڭ ورىنباسارى ايدىن سايلاۋباي مالىمدەدى.
ۆەدومستۆو وكىلى اتاپ وتكەندەي، ءقازىر قالادا مەكتەپتەردەگى ورىن تاپشىلىعىن ازايتۋ شارالارى جالعاسۋدا. بۇگىندە ول 19 611 ورىندى قۇرايدى.
«اعىمداعى جىلدىڭ 1 قىركۇيەگىندە "قالقامان"، "سايالى" جانە "توميريس" شاعىناۋداندارىندا 5100 ورىندىق 3 جاڭا مەكتەپ جانە №№191، 146، 125 مەكتەپتەردە 875 ورىندىق قوسالقى عيماراتتار اشىلادى»، - دەدى ا. سايلاۋباي.
قالاداعى جالعىز ءۇش اۋىسىمدى №196 مەكتەپتىڭ ماسەلەسى وقۋ جىلىنىڭ باسىندا «مادەنيەت» شاعىناۋدانىندا جوبالىق قۋاتى 1500 وقۋشىعا ەسەپتەلگەن جاڭا مەكتەپتىڭ اشىلۋىمەن شەشىمىن تاپپاق.
2022 جىلدىڭ سوڭىنا دەيىن 6000 ورىندىق تاعى 4 مەكتەپتى ("قالقامان-2"، "قايرات"، "دارحان"، "نۇركەنت" شاعىناۋداندارىندا) پايدالانۋعا بەرۋ جوسپارلانۋدا. سونداي-اق №48 جانە 9 مەكتەپتەردىڭ قوسالقى عيماراتتارى پايدالانۋعا بەرىلمەك.
قالا اكىمدىگى 1 800 ورىندىق مەكتەپتەردى ورنالاستىرۋ ءۇشىن ەكى عيمارات ساتىپ الادى (بوستاندىق جانە ناۋرىزباي اۋداندارىندا).
سونىمەن قاتار، وقۋ جىلىنىڭ باسىندا جەكە ينۆەستيسيالار ەسەبىنەن 3250 ورىندىق 6 مەكتەپ (اۋەزوۆ اۋدانىندا - 280 ورىندىق «دوستىق» مەكتەبى، مەدەۋ اۋدانىندا - 200 ورىندىق «ۆۋندەر اكادەميا» مەكتەبى، ناۋرىزباي اۋدانىندا - 590 ورىندىق «زامان» مەكتەبى، تۇركسىب اۋدانىندا - 400 ورىندىق Millennium مەكتەبى اشىلادى، قالعان 2 مەكتەپ وسى جىلدىڭ سوڭىنا دەيىن اشىلادى).
15 قالالىق مەكتەپتىڭ «مەكتەپ سپورت الاڭدارىن مودەرنيزاسيالاۋ» جوباسىن ىسكە اسىرۋعا جەرگىلىكتى بيۋدجەتتەن 1 ملرد تەڭگە ءبولىندى، جۇمىستى وقۋ جىلى باستالعانعا دەيىن اياقتاۋ جوسپارلانۋدا.