الماتىلىقتاردى الداپ كەتكەن قىز قولعا ءتۇستى

ونىڭ ەكى بىردەي ەپيزودقا قاتىسى بار ەكەندىگى انىقتالدى

ول ازاماتتاردى جۇرگىزۋشى كۋالىگىن الۋعا كومەكتەسەمىن دەپ الداعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

ناۋرىزباي اۋداندىق پوليسياسىنىڭ مالىمەتىنشە، 25 جاستاعى ا. ەسىمدى ازاماتشاعا قاتىستى ق ر قك-نىڭ 190-بابى 3-بولىگىنىڭ 4-تارماعى بويىنشا قىلمىستىق ءىس قوزعالۋدا. جاس قىز شاھاردىڭ كەمىندە ەكى تۇرعىنىن الدادى دەگەن كۇدىككە ءىلىندى.

«جەرگىلىكتى تۇرعىن ونىڭ زاڭسىز ارەكەتى تۋرالى حابارلادى. ونىڭ ايتۋىنشا، بويجەتكەن ءوزىن مامانداندىرىلعان حالىققا قىزمەت كورسەتۋ ورتالىعىنىڭ قىزمەتكەرىمىن دەپ تانىستىرىپ، جۇرگىزۋشى كۋالىگىن تەز ارادا الۋعا كومەكتەسۋدى ۇسىنعان. جەدەل شارالار قولدانىلىپ، كۇدىكتى ۇستالدى. ءىستى قاراۋ بارىسىندا ونىڭ ەكى بىردەي ەپيزودقا قاتىسى بار ەكەندىگى انىقتالدى. بويجەتكەن ءوز قىزمەتى ءۇشىن 20 مىڭنان 50 مىڭ تەڭگەگە دەيىن الدىن الا تولەم سۇراعان»، – دەيدى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.

ءبىراق پوليسيا جابىرلەنۋشىلەردىڭ كوپ بولۋى مۇمكىن ەكەندىگىنە سەنىمدى. ءتارتىپ ساقشىلارى وسى قىزدىڭ ارەكەتىنەن زارداپ شەككەندەردىڭ بارلىعىن مىنا تەلەفوندار ارقىلى حابارلاسۋعا شاقىرادى: 8-707-447-07-50؛ 8-747-699-70-02 جانە 8-778-622-02-19.