قازاقستاندىق جۇزگىشتەر ازيا چەمپيوناتىنىڭ 14 رەكوردىن جانە قازاقستاننىڭ 3 رەكوردىن ورناتتى.
جۇزگىشتەردى كۇتىپ الۋعا 2016 جىلى وتكەن وليمپيادا ويىندارىنىڭ چەمپيونى دميتريي بالاندين دە كەلىپ، ۇلتتىق قۇرامانى قۇتتىقتادى، دەپ حابارلايدى Almaty-akshamy.kz
«سپورتشىلارىمىزدى جەڭىستەرىمەن قۇتتىقتايمىن. بۇل ناتيجە جۇزگىشتەر مەن باپكەرلەردىڭ ۇلكەن ەڭبەگى. ولار وتە جوعارى ناتيجە كورسەتتى. بۇل جەتىستىكتەرىمەن توقتاماي، بۇدان دا ۇلكەن جەڭىستەرگە جەتۋىنە تىلەكتەسپىن. سەبەبى، الدا ازيا چەمپيوناتى مەن وليمپيادا ويىندارى كۇتىپ تۇر. مەن قۇرامانىڭ جەتىستىگىن ماقتان تۇتامىن»،- دەدى د. بالاندين.
بيىلعى چەمپيوناتتا 4 جارىس كۇنىنىڭ قورىتىندىسى بويىنشا جۇزۋدەن قازاقستان قۇراماسى 20 التىن، 11 كۇمىس، 5 قولاعا قول جەتكىزىپ، تاريحي ناتيجە كورسەتتى.
«ءبىزدى وسىنداي قۇرمەتپەن كۇتىپ الىپ جاتقانىنا قۋانىشتىمىز. جارىسقا قاڭتار ايىنان باستاپ دايىندالدىق. جەڭىسكە جەتۋگە وسىنىڭ الدىنداعى جارىستار مەن تاجىريبەلەردىڭ سەپتىگى ءتيدى. توپتىق ەسەپپەن 2 ورىندى يەلەندىك. قارسىلاستار مىقتى سپورتشىلار. بار كۇش-جىگەرىمىزبەن نامىستى قولدان بەرمەي، بايراعىمىزدى بيىككە كوتەرە الدىق. بۇل ناتيجەمەن توقتامايمىز. الداعى ۋاقىتتا الەمدىك دەڭگەيدەگى جارىستار بار»، - دەدى 15-17 جاس اراسىندا 50 مەترگە ارقامەن جۇزۋدەن التىن مەدال يەگەرى ەگور پوپوۆ قۋانىشتى سەزىمىمەن ءبولىسىپ.
قازاقستاندىق جۇزگىشتەر ازيا چەمپيوناتىنىڭ 14 رەكوردىن جانە قازاقستاننىڭ 3 رەكوردىن ورناتتى. جالپى كوماندالىق ەسەپپەن وتانداستارىمىز 2 ورىندا تۇر.