الماتىدا وتكەن جىلى قۇرامىندا 12 مىڭ توننادان استام سىناپ بار اسپاپتار مەن بۇيىمداردى قايتا وڭدەلدى. مەگاپوليستە قالا تۇرعىندارى ءقاۋىپتى قالدىقتاردى تاپسىرا الاتىن ءبىرقاتار كاسىپورىندار بار. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى بويىنشا ەكولوگيا دەپارتامەنتىنىڭ وكىلدەرى ايتتى، دەپ حابارلايدى Almaty-akshamy.kz
ۆەدومستۆونىڭ مالىمەتىنشە، ءقاۋىپتى قالدىقتاردى باسقارۋ اياسىندا قالادا تۇرعىنداردان قۇرامىندا سىناپ بار شامداردى جانە اسپاپتاردى جيناۋ بويىنشا پيلوتتىق جوبا ىسكە اسىرىلدى - پيك الدىنداعى 10 ۋچاسكەدە ءقاۋىپتى قالدىقتاردى جيناۋعا ارنالعان ارنايى كونتەينەرلەر ورناتىلعان.
«2022 جىلى «Esoalmaty» ج ش س (بۇرىنعى «الماتىەكولوگوستروي» مكك) تۇرعىنداردان جانە كەلىسىمشار بويىنشا زاڭدى تۇلعالاردان 75 037 بىرلىك 12،756 توننا قۇرامىندا سىناپ بار اسپاپتار مەن بۇيىمدار جينالىپ، قايتا وڭدەلدى. «سىناپ پليۋس» ج ش س ءوز قىزمەتىن بەلگىسىز مەرزىمگە توقتاتتى. اتالعان كاسىپورىنداردان باسقا، الماتى قالاسىنىڭ اۋماعىندا پايدالانىلعان ەلەكتروندىق اسپاپتار مەن جابدىقتارداعى قۇرامىندا سىنابى بار قالدىقتاردى جيناۋمەن «توپان» ج ش س، «پرومتەحنورەسۋرس» ج ش س، تەرمومەترلەردى جيناۋمەن – «مۆە ارنا» ج ش س اينالىسادى. قۇرامىندا سىناپ بار قالدىقتاردى قايتا وڭدەۋگە جوعارىدا اتالعان ۇيىمدارعا تاپسىرىلادى»، - دەدى الماتى قالاسى بويىنشا ەكولوگيا دەپارتامەنتىنىڭ مەملەكەتتىك ەكولوگيالىق ينسپەكتورى نۇرجان بولەكبايەۆ.
قالادا مەديسينالىق قالدىقتاردى وڭدەۋمەن «ەگيدا» ج ش س جانە «ۋتيلمەدستروي» ج ش س سياقتى مامانداندىرىلعان كاسىپورىندار اينالىسادى.