وقۋ-اعارتۋ مينيسترلىگىنىڭ جەلىسى بويىنشا 2022-2023 وقۋ جىلىندا قوسىمشا ءبىلىم بەرۋ باعدارلاماسى بويىنشا مەكتەپتەردە 49 مىڭنان استام سپورت سەكسيالارى جۇمىس ىستەپ، وعان 1،3 ملن-عا جۋىق بالا قاتىستى. بيىل مەملەكەتتىك سپورتتىق تاپسىرىس بويىنشا 190 مىڭنان استام بالا سپورتتىق ۇيىرمەلەرمەن قامتىلدى. ءبىراق بەرۋ باعدارلاماسىن قالادا ىسكە اسىرۋ قولايلى دا، سودان اۋىلدىق جەرگە جەتكىلىكتى كوڭىل بولىنبەي جاتىر. بۇل تۋرالى ۇكىمەت وتىرىسىندا مادەنيەت جانە سپورت ءمينيسترى اسحات ورالوۆ ايتتى.
«بۇل جاعداي قارجىلاندىرۋدى "قالالىق" جانە "اۋىلدىق" ايماقتار دەپ ءبولۋ (سارالاۋ) شارتتارىن ەنگىزۋدى قامتاماسىز ەتەدى. اتقارىلىپ جاتقان جۇمىستارعا قاراماستان، سالانىڭ پروبلەمالارى دا جەتكىلىكتى. سالاعا تالداۋ جۇرگىزىلىپ، ناتيجەسىندە ەلدە دەنە شىنىقتىرۋدى دامىتۋدىڭ نەگىزگى پروبلەماسى قاجەت سپورت ينفراقۇرىلىمىنىڭ جەتىسپەۋى بولدى. جەرگىلىكتى جەرلەردە اكىمدىكتەر قولدانىستاعى سپورت عيماراتتارىن، الاڭدارىن قايتا قالپىنا كەلتىرۋ جانە جاڭارتۋ، سونىمەن قاتار حالىق تىعىز ورنالاسقان ورىنداردا قىمبات ەمەس سپورت نىساندارىن سالۋ جونىندە ءبىرشاما شارالار قابىلداپ جاتىر. الايدا بۇل شارالار بۇگىندە جەتكىلىكسىز. جالپى رەسپۋبليكا بويىنشا 43 مىڭنان استام سپورتتىق عيماراتتىڭ 23 مىڭنان استامى اۋىلدىق جەردە»، - دەدى اسحات ورالوۆ.
بيىل ۇكىمەت قاۋلىسىمەن بەكىتىلگەن جوسپار-كەستەگە سايكەس 113 جاڭا سپورتتىق نىسان سالۋ، 20 سپورتتىق نىساندى رەكونسترۋكسيالاۋ، جۇمىس ىستەپ تۇرعان سپورت وبەكتىلەرىن جەتە جاراقتاندىرۋ جونىندەگى 6 جوبا بويىنشا جۇمىس جالعاسادى. مينيسترلىك قاجەتتىكتى انىقتاۋ ءۇشىن بۇگىندە وبلىستارداعى سپورت وبەكتىلەرىنە تۇگەندەۋ (ينۆەنتاريزاسيا) جۇرگىزەدى.
«وسى ماقساتتا وقۋشىلار جانە ستۋدەنتتەر اراسىندا ورتا مەكتەپتىڭ باعدارلاماسىنا كىرەتىن سپورت تۇرلەرىنەن جىل سايىن مەكتەپ جانە ستۋدەنتتەر ليگالارى ۇيىمداستىرىلىپ كەلەدى. ءبىراق مەكتەپ جانە ستۋدەنتتىك ليگا ءۇشىن ارنايى بيۋدجەتتىك باعدارلامانىڭ بولماۋىنا بايلانىستى بۇل ليگالار ءتيىستى دەڭگەيدە ۇيىمداستىرىلماي وتىر»، - دەپ قوستى مينيستر.
رەسپۋبليكادا جالپى سانى 800-دەن استام بالالار مەن جاسوسپىرىمدەر كلۋبتارى قىزمەت ەتەدى.