2022 جىلى الماتىدان 450 مىڭ توننادان استام قاتتى تۇرمىستىق قالدىق شىعارىلعان
الماتى قالاسىنىڭ وڭىرلىك كوممۋنيكاسيالار قىزمەتىنىڭ بريفينگىندە قاتتى تۇرمىستىق جانە قۇرىلىس قالدىقتارىن جيناۋ مەن شىعارۋدى ۇيىمداستىرۋ تۋرالى الماتى قالاسى بويىنشا ەكولوگيا دەپارتامەنتىنىڭ وكىلدەرى ايتىپ بەردى، دەپ حابارلايدى Almaty-akshamy.kz
الماتى قالاسى بويىنشا ەكولوگيا دەپارتامەنتىنىڭ مەملەكەتتىك ەكولوگيالىق ينسپەكتورى نۇرجان بولەكبايەۆتىڭ كەلتىرگەن دەرەكتەرى بويىنشا 25 قوقىس شىعاراتىن ۇيىم قاتتى تۇرمىستىق قالدىقتاردى شىعارۋمەن 100% قامتاماسىز ەتەدى، ولار مەگاپوليس اۋماعىندا 94 ۋچاسكەگە قىزمەت كورسەتەدى.
«2022 جىلى كوممۋنالدىق قىزمەتتەر، قوقىس شىعاراتىن ۇيىمدار الماتى قالاسىنىڭ تۇرعىن ءۇي ساياساتى باسقارماسىنىڭ دەرەكتەرى بويىنشا قوقىس سۇرىپتاۋ كەشەندەرىنە جانە الماتى وبلىسىنىڭ 6 پوليگونىنا – 451،821 مىڭ توننا كوممۋنالدىق قالدىقتاردى جيناپ، اكەتتى. 2021 جىلدىڭ وسىنداي كەزەڭىندە 443 مىڭ توننا شىعارىلعان بولاتىن» - دەدى سپيكەر.
قۇرىلىس قوقىستارىن شىعارۋ ءۇشىن قۇرىلىس كومپانيالارى قاراساي اۋدانىندا ورنالاسقان اقساي كارەرىمەن تىكەلەي شارت جاساسادى. قۇرىلىس قالدىقتارىن قابىلداۋ كارەرى تالعار اۋدانىندا دا ورنالاسقان.
سپيكەردىڭ مالىمەتىنشە، الماتىدا قايتا وڭدەلەتىن شيكىزاتتى: ماكۋلاتۋرانى، پلاستماسسانى، شىنى سىنىقتارىن، مەديسينالىق قالدىقتاردى جانە باسقا دا قالدىقتاردى جيناۋمەن، اكەتۋمەن جانە قايتا وڭدەۋمەن جەكە كاسىپكەرلىك سۋبەكتىلەرى اينالىسادى. 2022 جىلى قوقىس سۇرىپتاۋ كەشەندەرىنە 376 737 توننا قاتتى تۇرمىستىق قالدىقتار قابىلداندى، 2022 جىلى سۇرىپتالعان قايتا وڭدەلگەن شيكىزات كولەمى 333 951 توننا، كادەگە جاراتۋ پايىزى 11،35% قۇرادى.
«Green Recycle» ج ش س جەكە سەرىكتەسى قايتا وڭدەلەتىن شيكىزاتتى قايتا وڭدەۋگە تاپسىرۋ تۋرالى 13ء-شى ۇيىممەن ىنتىماقتاستىق تۋرالى شارتتار جاساستى: پلاستيك – «Recycle Ecology» ج ش س، «Kaz vtor Plast» ج ش س؛ پرومازانا – «ومار پلاست» ج ش س، «نۇركەن» جك، «دامير كومپاني» ج ش س، «رادۋگا» ج ش س، «Kaz West Green Energy» ج ش س؛ مەتالل – «الاتاۋ 21» ج ش س، «JoLAY» ج ش س، «Global Trans Service Group» ج ش س؛ ماكۋلاتۋرا – «Kazakhstan West Recycling» ج ش س، «كارينا ترەيد» ج ش س، «ماولين» جك؛ شىنى - «EcoCity» ج ش س، «مامبەتوۆ» جك.
«Kazakhstan West Recycling» جشس-مەن بىرلەسىپ قالا اۋماعىندا قايتا وڭدەلەتىن شيكىزاتتى قابىلداۋ بويىنشا 31 پۋنكت ورناتىلدى. پاۆيلوندار اۆتونومدى، «Kazakhstan West Recycling» ج ش س جانە «وپەراتور روپ» ج ش س قاراجاتى ەسەبىنەن دايىندالدى (10 000 تونناعا جۋىق قايتا وڭدەلەتىن شيكىزات جينالدى).
سونداي-اق، الماتى قالاسىنىڭ اۋماعىندا 2018 جىلدان باستاپ قاتتى تۇرمىستىق قالدىقتاردى سۇرىپتاۋ كولەمى جىلىنا 28800 تونناعا دەيىن «كۋيكابايەۆ م.د» جك قوقىس سۇرىپتاۋ ستانسياسى جۇمىس ىستەيدى.