«Soft skils» بويىنشا كۋرسى» جوباسىنىڭ اياسىندا الماتى قالاسىنىڭ جاستارىنا «تايم مەنەدجمەنت» تاقىرىبىندا سەمينار-ترەنينگ ءوتىلدى.
لوگيستيكا جانە كولىك اكادەمياسىنىڭ جانە «UAQYT» قوعامدىق قورىنىڭ ۇيىمداستىرۋىمەن «Soft skils» بويىنشا كۋرسى» جوباسىنىڭ اياسىندا الماتى قالاسىنىڭ جاستارىنا «تايم مەنەدجمەنت» تاقىرىبىندا سەمينار-ترەنينگ ءوتتى.
سپيكەر رەتىندە فيلولوگ-پەداگوگ، تۇلعالىق دامۋ، كوماندا قۇرۋ، مەنەدجمەنت، كومپانيا باسقارۋ بويىنشا كوۋچ تەمىرحان بياحمەت شاقىرىلدى.
سەمينار-ترەنينگ ستۋدەنتتەردىڭ بولاشاق ومىردەن ءوز جولدارىن دۇرىس تابا ءبىلۋى ءۇشىن الدىنا ماقسات قويىپ، جوسپار قۇرا بىلۋگە ۇيرەتۋ، وسى تاقىرىپ بويىنشا بىلىمدەرىن جەتىلدىرۋ جانە ادامگەرشىلىككە تاربيەلەۋ، ۋاقىتتى ءتيىمدى پايدالانا ءبىلۋ كەرەكتىگىن ءتۇسىندىرۋ ماقساتىندا ۇيىمداستىرىلدى.
«تايم مەنەدجمەنتتىڭ ءبىرىنشى قادامى - جوسپار قۇرا الۋ. جوسپار دۇرىس قۇرىلۋى ءۇشىن ەڭ باسىندا ۇلكەن ماقسات تۇرعان ابزال. قازىرگى تاڭدا كوبىمىزدىڭ قاتەلىگىمىز – ادامدار ۋاقىتىن نە ءۇشىن جوسپارلاۋ كەرەكتىگىن تۇسىنبەيدى. سول سەبەپتى ءوز كۇنىن جوسپارلاعان كەزدە ءبىر كۇنگە وتە كوپ ماقسات قويادى. نەگىزگى ۋاقىتتى ءتيىمدى پايدالانۋ. سول ارقىلى وزىڭە، ءوزىڭنىڭ سۇيىكتى ىسىڭە ارناي الاتىنداي ۋاقىتتى بوساتۋ. سوندىقتان ادام ءوز كۇنىن جوسپارلاعان كەزدە 2 نە 3 ماڭىزدى تاپسىرما قويسا جەتكىلىكتى. ستۋدەنتتەر وسىنداي قارپايىم دۇنيەلەردى بىلگەنى ءجون»، – دەيدى تەمىرلان بياحمەت.