پوليسيا اتىس قارۋىن زاڭسىز ساقتاۋ دەرەكتەرىنىڭ الدىن الۋ ماقساتىندا تۇرعىنداردان تىركەلمەگەن قارۋ-جاراق، وق-دارىلەر مەن جارىلعىش زاتتاردى ساتىپ الۋ بويىنشا ءىس-شارالار جۇرگىزىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تۇرعىنداردان زاڭسىز ساقتالعان قارۋدى ساتىپ الۋ بويىنشا ءىس-شارالار اياسىندا اۋماقتىق پوليسيا بولىمشەلەرىنە ازاماتتاردان 24 ءوتىنىش كەلىپ ءتۇستى. ازاماتتار 34 بىرلىك تىركەلمەگەن اتىس قارۋىن، سونداي-اق مىلتىققا ارنالعان 60 پاتروندى ءوز ەركىمەن تاپسىردى. تىركەلمەگەن قارۋ مەن وق-دارىلەردى تاپسىرعان ازاماتتارعا تولەنگەن اقشالاي تولەمدەردىڭ جالپى سوماسى 2،3 ملن تەڭگەدەن اسادى. سونىمەن قاتار زاڭسىز ساقتالعان قارۋدى، وق-دارىلەردى جانە جارىلعىش زاتتاردى ءوز ەركىمەن تاپسىرۋعا نيەت بىلدىرگەن ازاماتتار، ەگەر ارەكەتتەرىندە باسقا قۇقىق بۇزۋشىلىقتار بولماسا، قىلمىستىق جانە اكىمشىلىك جاۋاپكەرشىلىكتەن بوساتىلاتىنىن ايتا كەتۋ كەرەك»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.