ابۋ-دابيدە ءوتىپ جاتقان حح حالىقارالىق اڭشىلىق جانە ات سپورتى كورمەسىندە وتاندىق ءوندىرۋشى كومپانيا ساۋمال ۇسىندى، دەپ حابارلايدى Almaty-akshamy.kz حابار 24-كە سىلتەمە جاساپ.
مۇندا جىلقى جانە جانۋارلار الەمىنە ارنالعان يننوۆاسيالىق تەحنولوگيالار، كەمپينگتەر مەن ساياتشىلىققا قاجەتتى قۇرالداردى كورۋگە بولادى. اڭشىلىق جانە ات سپورتىن دامىتۋدى كوزدەيتىن كورمەگە الەمنىڭ 65 ەلىنەن 1 مىڭ 200 كومپانيا كەلگەن. بيىل اسىرەسە ورتالىق ازيا ەلدەرى كوپتەپ قاتىسىپ جاتىر. ال قازاقستاندىق كومپانيا ساۋمالدى نەمىس تەحنولوگياسى بويىنشا وڭدەپ، قۇرعاق كۇيىندە ۇسىندى.
ابداللاح حالەد ماريان، كومپانيا وكىلى:
- قازاقتىڭ ۇلتتىق برەند ءونىمىن تانىستىرىپ تۇرمىز. قوسپاسىز، تابيعي بيە ءسۇتى. بۇل ءسۇت انا سۇتىنە جاقىن، ەمدىك سۋسىن. ءدال قازىرگى ۋاقىتتا ساۋمالدى امىرلىكتەردە جانە پارسى شىعاناعى ەلدەرىنە ساۋدالاپ وتىرمىز.
ساگگاف الحاشمي، كورمەگە قاتىسۋشى:
- كورمەنىڭ اشىلعان كۇنى-اق ارنايى بارىپ، ءبىرىنشى رەت ساۋمالدىڭ ءدامىن كوردىم. ماعان عانا ەمەس، كورمەگە كەلۋشىلەردىڭ بارلىعىنا ۇناپ جاتىر دەپ ويلايمىن. جالپى بۇل كورمەنىڭ ماقساتى دا سول عوي – جاڭانى تانۋ. اتبەگىلىك – بۇرىننان كەلە جاتقان ونەر. ءداستۇر جالعاسۋى كەرەك، ءبىراق جاڭعىرىپ تۇرۋى دا ماڭىزدى.