الماتىلىق گيمناستشىلار كورەيا كۋبوگىن باعىندىردى، دەپ حابارلايدى almaty-akshamy.kz
كورەيانىڭ انسان قالاسىندا ەستەتيكالىق توپتىق گيمناستيكادان 2023 جىلدىڭ 1-2 شىلدەسى ارالىعىندا «Shine Cup» حالىقارالىق ءتۋرنيرى ءوتتى. جارىسقا قازاقستان، رەسەي، مالايزيا، سينگاپۋر، جاپونيا جانە كورەيادان 26 كوماندا قاتىستى.
جارىس ۇزاق جانە قىسقا باعدارلامالار بويىنشا ءار ءتۇرلى جاس ساناتتارىندا ءوتتى.«سەنورلار-ۇزاق باعدارلاما» ساناتىندا ءبىرىنشى ورىندى الماتىلىق Freedom كومانداسى يەلەندى.
كوماندا قۇرامى: بەيگانوۆا امينا، بولات توميريس، ماكسۋتوۆا ايلين، تۇرسىنقوجا ادەليا، كاباش زەرە، چۋكرەيەۆا اناستاسيا. جاتتىقتىرۋشى - مۋتالييەۆا مادينا.
قازاقستان ەستەتيكالىق توپتىق گيمناستيكا فەدەراسياسى تورەشى داۆلەتياروۆا زارينا حانىمعا العىس بىلدىرەدى.
ەستەتيكالىق گيمناستيكا - قازاقستاندا ەندى دامىپ كەلە جاتقان سپورت ءتۇرى. دەسە دە ءبىزدىڭ گيمناستتار 2018 جىلدان بەرى رەسمي ستاندارتتارعا ساي حالىقارالىق دودالاردا ونەر كورسەتىپ كەلە جاتىر. قازاقستاندىق ەستەتيكالىق توپتىق گيمناستيكا فەدەراسياسى (KFAGG) تەك 2018 جىلى قۇرىلىپ،حالىقارالىق ەستەتيكالىق توپتىق گيمناستيكا فەدەراسياسىنىڭ تولىققاندى (IFAGG) مۇشەسى سانالادى