ۇيىمداستىرۋشىلار كوپشىلىككە المادان جاسالعان ءتۇرلى ءدام ۇسىندى
دۇنيەجۇزىلىك اسپاز كۇنى مەن حالىقارالىق الما كۇنىن الماتى وبلىسىنىڭ جۇرتى اتاپ ءوتتى، دەپ حابارلايدى almaty-akshamy.kz Almaty.tv-گە سىلتەمە جاساپ.
قوس مەرەكەنى ۇشتاستىرعان ۇيىمداستىرۋشىلار كەلگەن كوپشىلىككە المادان جاسالعان ءتۇرلى ءدام ۇسىنىپ، داستارحان جايدى. ءىس-شاراعا ەسترادا جۇلدىزدارى دا قاتىسىپ، مەرەكەلىك جيىننىڭ كوركىن قىزدىردى.
– ۇزىندىعى 100 مەتردەي شترۋدەل ازىرلەدىك. الما كۇنى بولعاندىقتان، ءتۇرلى تاعام جاسادىق، – دەدى باس اسپاز الماس وسيپوۆ.
اسپازداردىڭ الۋان ءتۇرلى قيالىنان تۋعان تاعامداردان بولەك، دەمالۋشىلارعا شىعارماشىلىق بۇيىم ۇسىنىلدى. ۇلتتىق ناقىشتاعى كيىم مەن كيىزدەن جاسالعان ءارتۇرلى تۋىندىنى تاماشالاعان جۇرت ءىس-شارانىڭ دىستۇرگە اينالعانىن قالايدى.
– الماتىنىڭ المالارىنان جاسالعان ءمازىردى دەمالۋشىلارعا، قاراپايىم قوناقتارعا ۇسىنايىن دەپ جاتىرمىز. بولاشاقتا مادەني ءىس-شارالاردى جالعاستىرامىز، – دەدى ساۋىقتىرۋ كەشەنىنىڭ پرەزيدەنتى ياكوۆ ستەرليكوۆ.