كوكتەمگى اسكەرگە شاقىرىلعان ەلۋ الماتىلىق قاراعاندى وبلىسىنداعى اۋە شابۋىلىنا قارسى قورعانىس اسكەرلەرىنىڭ اسكەري بولىمىندە قىزمەت ەتەتىن بولادى.
جاستاردى اسكەرگە قالالىق قورعانىس ىستەرى جونىندەگى دەپارتامەنتىنىڭ باسشىلىعى، قارۋلى كۇشتەردىڭ ارداگەرلەرى، تۋىستارى مەن جاقىندارى شىعارىپ سالدى، دەپ حابارلايدى aqshamnews.kz.
– قىزمەت بارىسىندا ءوز بويلارىڭداعى تاباندىلىق، توزىمدىلىك سياقتى ماڭىزدى قاسيەتتەردى دامىتا الاسىزدار. اسكەردە تارتىپكە ۇيرەنىپ، دەنە دايىندىعى تۇرعىسىنان شىڭدالىپ شىعاسىزدار. ارميا ومىرگە بەيىمدەلۋگە ۇيرەتەدى، – دەدى الماتى قالاسى قورعانىس ىستەرى جونىندەگى دەپارتامەنتىنىڭ باستىعى پولكوۆنيك تالعات وزەحان.
مەرزىمدى اسكەري قىزمەتكە جىبەرىلمەس بۇرىن اسكەرگە شاقىرىلۋشىلار ءۇش كۇن بويى قورعانىس ىستەرى جونىندەگى دەپارتامەنتتىڭ قالالىق جيناقتاۋ پۋنكتىندە بولدى. ولار مەديسينالىق كوميسسيادان، پسيحولوگيالىق تەستىلەۋدەن ءوتتى. اسكەري بولىمدەردىڭ وكىلدەرىمەن اڭگىمەلەستى.
– ۇلىم راديون اسكەري قىزمەتىن وتەۋگە ەش ويلانباستان كەلدى. بۇل جەردە العاشقى كۇننەن جىلى شىرايلى قارىم-قاتىناستى سەزىندىك. كەزدەسۋلەر مەن اڭگىمەلدەسۋلەدىڭ ءبارى تۇسىنىستىك جاعدايىندا ءوتتى. ۇلىم ءۇشىن الاڭداۋعا ەش نەگىز جوق، – دەدى شاقىرىلۋشىنىڭ اناسى يرينا كيسەل.
ەستەرىڭىزگە سالا كەتەيىك، وسى كوكتەمدە اسكەرگە 1500-دەن استام الماتىلىق شاقىرىلادى. بۇگىنگى تاڭدا 1000-نان استام جاس مەرزىمدى قىزمەت وتكەرۋ ءۇشىن اسكەري بولىمدەرگە جىبەرىلدى.
اسكەرگە شاقىرىلۋشىلار قورعانىس مينيسترلىگىنىڭ، مەملەكەتتىك كۇزەت قىزمەتىنىڭ، ۇلتتىق ۇلاننىڭ، ۇقك شەكارا قىزمەتىنىڭ جانە توتەنشە جاعدايلار مينيسترلىگىنىڭ اسكەري بولىمدەرىندە قىزمەت ەتەتىن بولادى.