بۇل تۋرالى مادەنيەت جانە اقپارات ۆيسە-مينيسترى قانات ىسقاقوۆ مالىمدەدى، دەپ حابارلايدى aqshamnews.kz
مادەنيەت جانە اقپارات مينيسترلىگى بالالاردىڭ جازعى دەمالىسىن ءتيىمدى ۇيىمداستىرۋ بويىنشا اۋقىمدى ءىس-شارالار كەشەنىن ازىرلەدى.
"جازعى ۋاقىتتا ەلىمىزدىڭ بارلىق مەكتەپ وقۋشىلارىنا مۋزەيلەر مەن تەاترلارعا، وزگە دە مادەني مەكەمەلەرگە تەگىن كىرۋگە مۇمكىندىك جاسالىپ وتىر. بۇل ءاربىر بالاعا مادەني مۇرامەن ەتەنە تانىسىپ، رۋحاني بايي تۇسۋگە جول اشاتىن يگى باستاما"، - دەدى ىسقاقوۆ ۇكىمەتتىڭ بۇگىنگى وتىرىسىندا.
ال پرەمەر-مينيستر ولجاس بەكتەنوۆ تۋريزم جانە سپورت مينيسترلىگىنە بالالاردىڭ تاريحي-مادەني مۇرا وبەكتىلەرىنە، سونداي-اق، بەلگىلى تۋريستىك ايماقتارعا بارۋى ءۇشىن اكىمدىكتەردىڭ ءوڭىرارالىق ءوزارا ءىس-قيمىلىن ۇيلەستىرۋدى تاپسىردى.
"باتىس وڭىرىندەگى بالالارعا ەلىمىزدىڭ شىعىس ايماقتارىن كورىپ-بىلۋ قىزىقتى بولماق. ال وڭتۇستىك وبلىستارداعى وقۋشىلاردىڭ سولتۇستىك ايماقتارعا جانە كەرىسىنشە ساياحاتتاپ بارۋىن ۇيىمداستىرۋ قاجەت. بالالار ەلىمىزدىڭ كورىكتى جەرلەرى مەن باي مادەني مۇراسىن تانىپ-بىلۋگە ءتيىس"، - دەدى بەكتەنوۆ.