الماتى قالاسى بويىنشا وتكىزىلىپ جاتقان «الماتى – ءبىزدىڭ ورتاق ءۇيىمىز» ناۋقانى اياسىندا قازاق مەملەكەتتىك سيركىندە «15 پلاستيكالىق بوتەلكە تاپسىرىپ، سيرككە بيلەت الىڭىز» اكسياسى ءوتتى. اكسيا 15-19 ءساۋىر ارالىعىندا وتكىزىلدى.
اكسيا بارىسىندا اركىم سيرك اۋماعىندا ارنايى ورناتىلعان جاشىكتەرگە پلاستيكالىق بوتەلكەلەردى تاپسىرا الادى. اكسيادان كەيىن جينالعان بارلىق بوتەلكە قايتا وڭدەۋگە جىبەرىلدى، دەپ حابارلايدى Almaty-akshamy.kz.
بەس كۇننىڭ ىشىندە الماتىلىقتار 10000-عا جۋىق پلاستيكالىق بوتەلكە تاپسىرىپ، سيركتەگى «شۇلىقسىز» حالىقارالىق باعدارلاماسىنا 595 بيلەت الدى.
4 مامىردان 2 ماۋسىمعا دەيىن مەرەيتويلىق تۋر اياسىندا الماتى سيركىندە الەمگە ايگىلى ماسكەۋلىك «شۇلىقسىز» كلوۋن تريوسىنىڭ قويىلىمى وتەدى. سيرك باعدارلاماسىنا اكروباتتار، ەكۆيليبريستەر، ارقانمەن جۇرۋشىلەر، اۋە گيمناستتارى، ۇيرەتىلگەن ايۋلار مەن يتتەر قاتىسادى.
ماسكەۋدىڭ «شۇلىقسىز» سايقىمازاقتارى مونتە-كارلوداعى حالىقارالىق سيرك فەستيۆالىنىڭ جەڭىمپازى اتانعان.
بيلەتتىڭ باعاسى 2000-نان 6000 تەڭگەگە دەيىن، 4 جاسقا دەيىنگى بالالارعا تەگىن. باعدارلامانىڭ ۇزاقتىعى 1 ساعات 20 مينۋت.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.