الماتىدا اعىمداعى جىلدىڭ 24 ءساۋىرى مەن 31 مامىرى ارالىعىندا م. گاندي كوشەسىنەن تيميريازيەۆ كوشەسىنە دەيىن باتىس جەلتوقسان كوشەسى بويىنشا اۆتوكولىك قوزعالىسى ءىشىنارا شەكتەلەدى.
ۋاقىتشا شەكتەۋلەر ماگيسترالدىق قۇبىردى اۋىستىرۋ جانە جول توسەمىن ورتاشا جوندەۋ قاجەتتىلىگىنە بايلانىستى، دەپ حابارلايدى Almaty-akshamy.kz.
25 جىلدىق قىزمەت نورماتيۆتەرى بويىنشا ەسەپتەلگەن اتالعان ۋچاسكەمەن وتەتىن قۇبىر 1992 جىلدان بەرى 32 جىلدان استام ۋاقىت بويى پايدالانىلۋدا. مونيتورينگ سوڭعى بەس جىلدا مۇندا 17 زاقىم تىركەلگەنىن كورسەتتى.
قۇبىردى جوندەۋ جۇمىستارى كەزىندە كۇن سايىن ساعات 07:00-دەن 22:00-گە دەيىن باتىس جەلتوقسان كوشەسى بويىنشا كولىك قوزعالىسى سولتۇستىك باعىتتا ءبىر جاقتى بولادى. كۇن سايىن ساعات 22.00-دەن 07.00-گە دەيىن جانە دەمالىس كۇندەرى قوزعالىس ەكى جاققا دا جابىلادى.
گاندي كوشەسىنەن وڭتۇستىك باعىتتا ءال-فارابي داڭعىلىنا شىعاتىن جول قوزىبايەۆ كوشەسى بويىنشا ۇيىمداستىرىلادى.
2 مامىردان باستاپ قالالىق موبيلدىلىك باسقارماسى ءال-فارابي داڭعىلىنان تيميريازيەۆ كوشەسىنە دەيىن باتىس جەلتوقسان كوشەسىندە ورتاشا جوندەۋ جۇمىستارىن باستايدى.
باسىندا تروتۋارلار مەن ارىق جەلىلەرى جوندەلەدى، بۇلىنگەن جيەكتەر ءىشىنارا اۋىستىرىلادى، سودان كەيىن اسفالت جابىنى فرەزەرلەنەدى. قۇبىردى جانە اسفالت جابىنىنىڭ تومەنگى قاباتىن توسەگەننەن كەيىن جولدىڭ بۇكىل ەنىنە پوليمەردى قولدانا وتىرىپ، اسفالتبەتون توسەۋ جۇرگىزىلەدى.
قوزعالىس تولىعىمەن 1 ماۋسىمعا دەيىن قالپىنا كەلتىرىلەدى. ءماجبۇرلى قولايسىزدىقتارعا تۇسىنىستىكپەن قاراۋدى جانە كورسەتىلگەن ۋچاسكەنى اينالىپ ءوتۋ جولدارىن الدىن الا قاراستىرۋدى سۇرايمىز.