شەرحان مۇرتازانىڭ تۋعانىنا - 90 جىل.
حالىق اراسىندا «شەر-اعا» اتانىپ كەتكەن جازۋشى «بەلگىسىز سولداتتىڭ بالاسى»، «احمەتجاننىڭ انتى»، «مىلتىقسىز مايدان» پوۆەستەرى، «ينتەرنات نانى» اڭگىمەلەرى، «قارا مارجان»، «جۇرەككە ءاجىم تۇسپەيدى»، «اي مەن ايشا» سىندى روماندارىمەن قازاق پروزاسىندا وشپەس تۋىندىلار قالدىردى. قازاق ءتىلىنىڭ، ءدىلىنىڭ مۇڭىن مۇڭداپ، جوعىن جوقتاعان ايگىلى تۇلعا وتاندىق جۋرناليستيكانىڭ قالىپتاسۋىنا، دامۋىنا دا ەلەۋلى ۇلەس قوستى، دەپ حابارلايدى Almaty-akshamy.kz.
«لەنينشىل جاس» پەن «سوسياليستىك قازاقستان» گازەتىنىڭ ءتىلشىسى بولىپ قىزمەت ەتتى. 1963-1970 جىلدار ارالىعىندا «لەنينشىل جاس» گازەتىنىڭ رەداكتورى قىزمەتىندە بولعان. ودان كەيىنگى كەزدەرى «جۇلدىز» جۋرنالىنىڭ باس رەداكتورى، قازاقستان جازۋشىلار وداعى باسقارماسىنىڭ ەكىنشى حاتشىسى، «قازاق ادەبيەتى» گازەتىنىڭ باس رەداكتورى ءارى قازاقستان جازۋشىلار وداعى باسقارماسىنىڭ حاتشىسى قىزمەتىن اتقارعان.