دارىن سايىنوۆ «الماتى – ادامدار ءۇشىن جاھاندىق قالا» باعدارلاماسىنا پىكىرىن ءبىلدىردى.
قالا تۇرعىندارى باعدارلامامەن تانىسىپ، ءوز ۇسىنىسىن «الماتىنى دامىتۋ ورتالىعىنىڭ» سايتىندا 2022 جىلدىڭ 1 شىلدەسىنە دەيىن قالدىرا الادى.
الماتى اكىمدىگى «الماتى – ادامدار ءۇشىن جاھاندىق قالا» باعدارلاماسىن ازىرلەدى، وندا مەگاپوليستى 2025 جىلعا دەيىن دامىتۋدىڭ نەگىزگى باسىمدىقتارى مەن 2030 جىلعا دەيىنگى ورتا مەرزىمدى پەرسپەكتيۆالار كورسەتىلگەن. قالا تۇرعىندارى باعدارلامامەن تانىسىپ، ءوز ۇسىنىسىن «الماتىنى دامىتۋ ورتالىعىنىڭ» سايتىندا 2022 جىلدىڭ 1 شىلدەسىنە دەيىن قالدىرا الادى. «الماتىنىڭ جىل ءمۇعالىمى» بايقاۋىنىڭ 1-ورىن يەگەرى اتانعان ۇستاز دارىن سايىنوۆ تا پىكىر ءبىلدىردى، دەپ حابارلايدى Almaty-akshamy.kz.
ول ءوز سوزىندە قالا اكىمىنىڭ ءبىلىم بەرۋ سالاسىنا ەرەكشە نازار اۋدارىپ وتىرعانىن جەتكىزدى.
«مەكتەپ سالۋ، ولاردىڭ ساپاسىن كوتەرۋ، فۋنكسيونالدى ساۋاتتىلىقتى ارتتىرۋ. مەكتەپتەگى اكىمشىلىك قىزمەتكەرلەر مەن مۇعالىمدەردى وقىتۋ باعدارلاماسىن ەنگىزۋگە وڭ قارامايمىن. سونداي-اق ماعان 30 ينوۆاسيالىق باعدارلاما ۇناپ تۇر. وسى نەگىزدە 4 زامانۋاي ورتالىق قۇرىلادى. الداعى ۋاقىتتا ولاردىڭ سانى ارتادى دەپ سەنەمىن. PISA باعالاۋ جۇيەسىنە ءمان بەرگەندە دۇرىس. ويتكەنى ول حالىقارالىق باعالاۋ جۇيەسى. 2030 جىلعا دەيىن 5 وقۋ ورنىنىڭ بازاسىنا تانىمال حالىقارالىق مەكتەپتەردى برەندىمەن جانە باسقارۋمەن الەمدىك مەكتەپتەر قۇرۋ دەگەن ۇسىنىس وتە جاقسى. ەندى بۇل جاعدايدىڭ باستى شەشىمى مەكتەپتەردەگى بالالار سانىن ازايتۋ دەپ ويلايمىن. تاعى دا ايتاتىن بولساق، مەكتەپ اۆتوبۋسى باعدارلاماسى قاتتى ۇناپ تۇر. جالپى قالا اكىمى ءبىلىم بەرۋ سالاسىنا قاتتى ءمان بەرىپ جاتىر»، – دەدى دارىن سايىنوۆ.