الماتىلىق ۇوس ارداگەرلەرى ەندى ءتىسىن تەگىن ەمدەتە الادى

بۇگىندە ۇلى وتان سوعىسىنىڭ بارلىق ارداگەرى ەرەكشە باقىلاۋدا

الماتى اكىمى ەربولات دوسايەۆ ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن تۇلعالارعا قاراجات ءبولىپ، ستوماتولوگيالىق كومەكتى قولجەتىمدى ەتۋگە ۋادە بەردى، دەپ حابارلايدى Almaty-akshamy.kz Zakon.kz-كە سىلتەمە جاساپ.

الماتى اكىمى ەربولات دوسايەۆ پەن ونىڭ ورىنباسارى اسەم ءنۇسىپوۆانىڭ ايتۋىنشا، بۇگىندە ۇلى وتان سوعىسىنىڭ بارلىق ارداگەرى ەرەكشە باقىلاۋدا. ولارعا دارىگەر بەكىتىلگەن، ولار اي سايىن ۇيلەرىنە كەلىپ، تەكسەرۋدەن وتەدى.

دەگەنمەن دوسايەۆتىڭ ايتۋىنشا، دارىگەرلەر مەگاپوليستەگى بارلىق زەينەتكەردى ازىرشە تەكسەرە المايدى. ويتكەنى كوپتەگەن مەملەكەتتىك ەمحانالار جۇكتەمەسى كوپ.

مەدەۋ اۋدانىنىڭ تۇرعىندارىمەن كەزدەسۋىندە قالا اكىمىنە ءتىس دارىگەرىنە قارالۋدى ەڭ بولماعاندا ەكىنشى دۇنيەجۇزىلىك سوعىس ارداگەرلەرى مەن ولارعا تەڭەستىرىلگەن تۇلعالار ءۇشىن قولجەتىمدى ەتۋ تۋرالى ۇسىنىس ءتۇستى.

«ءار ەمحانادا ستوماتولوگيانى ۇيىمداستىرۋ وڭاي ەمەس. ءبىز كابينەتتەردى جابدىقتاۋ بىلاي تۇرسىن، بەلگىلى ءبىر توپتاعى ادامدارعا تۇراقتى جۇمىسقا ءتىس دارىگەرىن جالداي المايمىز. اڭگىمەلەسۋگە تىرىسايىق، بالكىم، ءبىز بارلىق ستوماتولوگيالىق ينستيتۋتقا ەكىنشى دۇنيەجۇزىلىك سوعىس ارداگەرلەرى مەن ولارعا تەڭەستىرىلگەن تۇلعالاردى قولداۋ ءۇشىن قوسىمشا تاپسىرىس بەرەمىز. مەنىڭشە، ولاردىڭ جالاقىسىن تولەۋگە مۇمكىندىگىمىز بار، ولار ارداگەرلەرگە بەلگىلى كۇندەر مەن ساعاتتاردا قىزمەت كورسەتەدى. مەن جەكە نۇسقاۋ بەرەمىن، ونى ءبىر ايدا انىقتاپ، سحەماسىن بەرە الامىز دەپ ويلايمىن»،-دەدى الماتى اكىمى ەربولات دوسايەۆ

ءقازىر مىندەتتى الەۋمەتتىك مەديسينالىق ساقتاندىرۋ اياسىندا ەكىنشى دۇنيەجۇزىلىك سوعىسقا قاتىسۋشىلار مەن ولارعا تەڭەستىرىلگەن تۇلعالار، I، II، III توپتاعى مۇگەدەكتىگى بارلار، زەينەتكەرلەر تەك توتەنشە جاعدايلاردا عانا تەگىن ستوماتولوگيالىق كومەك الا الادى.