جەتىسۋ وبلىسى تاۋلارىندا حابار-وشارسىز كەتكەن تيكتوكەر ىزدەستىرىلىپ جاتىر.
36 جاستاعى الماتىلىق دامير كۋشەيەۆ تەكەلى ماڭىنداعى تاۋدا حابار-وشارسىز جوعالىپ كەتتى، دەپ حابارلايدى Almaty-akshamy.kz.
7 ماۋسىم قورا شاتقالىنداعى بۇرقانبۇلاق سارقىراماسىنا سپورت ۆەلوسيپەدىمەن بارىپ، بوگەتتىڭ جانىندا تۇرىپ سوڭعى مارتە ەفيرگە شىققان، سول جەردە جەرگىلىكتى قورىقشىنىڭ قولىنان ءشاي ءىشىپ، ءدام اۋىز تيگەن.
بايلانىس ۇزىلگەننەن كەيىن كۋشەيەۆتىڭ جۇبايى توتەنشە جاعدايلار دەپارتامەنتىنە جۇگىنگەن.
ارىزدى ەسكەلدى اۋدانىنىڭ پوليسەيلەرى دە تىركەپ، جەدەل ىزدەستىرۋ شارالارىنا كىرىستى.
ءقازىر تاۋلى ايماقتا پوليسەيلەر مەن تجد قىزمەتكەرلەرى، كينولوگتار جوعالعان جىگىتتى ىزدەستىرىپ جاتىر.
دامير كۋشەيەۆ ءتۇرلى كورىكتى جەرلەرگە ۆەلوسيپەدپەن بارعاندى ۇناتادى. TikTok جەلىسىندە ءوزىنىڭ جەكە پاراقشاسى بار. ەسكەلدى اۋدانىنداعى تۋىستارىندا قوناقتا بولعان.
جوعالعان ادامنىڭ جۇرگەن جەرى تۋرالى اقپاراتى بار كەز كەلگەن ادام مىنا تەلەفوندارعا حابارلاسا الادى: 8 747 558 1508، 708 252 2008، 102 نەمەسە 112.