قاناداداعى ورمان ءورتىنىڭ سانى مەن قارقىندىلىعى بارلىق رەكوردتاردى جاڭارتىپ وتىر. ەلدىڭ پرەمەر-مينيستر دجاستين تريۋدونىڭ مالىمدەۋىنشە، ءقازىر كانادادا 414 ورمان ءورتى ورىن العان، ولاردىڭ 239-ى باقىلاۋدان شىعىپ كەتتى. 20 مىڭنان استام ادام ءوز ۇيلەرىنەن ەۆاكۋاسيالاندى، دەپ حابارلايدى Almaty-akshamy.kz. .
كۆەبەكتىڭ وزىندە عانا 150-دەن استام بەلسەندى ءورت وشاعى بار، بۇل رەتتە جەرگىلىكتى ءورت سوندىرۋشىلەردىڭ ءبىر ۋاقىتتا 40-تان اسپايتىن ءورت وشاعىمەن كۇرەس جۇرگىزۋ مۇمكىندىگى بار، دەپ جازدى قازاقپاراتتىڭ ۆۆس اقپارات اگەنتتىگىنە سىلتەمە جاساپ.
ءورت سالدارىنان اقش قالالارى - نيۋ-يورك، ۆاشينگتون جانە باسقالارىندا تۇمشا بايقالدى. اقش سولتۇستىكتەگى كورشىسىنە جەدەل جاردەم جىبەرۋدە.
كۆەبەكتەن باسقا، بريتاندىق كولۋمبيا، البەرتا، ونتاريو، جاڭا شوتلانديا جانە سولتۇستىك-باتىس اۋماقتارىندا 3،3 ملن گا القاپتا ورماندى جەر ورتەنىپ جاتىر.
ەلدىڭ مىڭداعان تۇرعىنى ەۆاكۋاسيالانۋعا ءماجبۇر بولدى، ال اۋا تۇتىنىنە بايلانىستى ءقاۋىپ ورناعاندىقتان سولتۇستىك امەريكادا ونداعان ميلليون ادامعا ەسكەرتىلدى.
كانادا مەن اقش-تىڭ كوپتەگەن قالالارىندا، سونىڭ ىشىندە تورونتو، وتتاۆا، نيۋ-يورك جانە ۆاشينگتوندا اسپان كۇڭگىرت قىزعىلت سارى تۇسكە بويالعان. وتتاۆا بيلىگى ورتتەن اۋانىڭ لاستانۋىن ادامداردىڭ دەنساۋلىعىنا، اسىرەسە تىنىس الۋ ورگاندارىنىڭ اۋرۋلارىنا وتە ءقاۋىپتى دەپ اتايدى.
نيۋ-يورك پەن ۆاشينگتوندا مەملەكەتتىك مەكتەپتەردىڭ جۇمىسى توقتاتىلدى، ال نيۋ-يورك مەرى ەريك ادامس جاعدايدىڭ ۋشىعۋى مۇمكىن ەكەنىن ەسكەرتپىپ، حالىقتى ۇيدەن شىقپاۋعا شاقىردى.
