2024 جىلدىڭ قازان ايىندا ماڭعىستاۋ وبلىسىنىڭ پوليسياسىنا جەرگىلىكتى تۇرعىندار الاياققا الدانعانىن ايتىپ، ارىز تۇسىرگەن.
تۇرعىندار قۇزىرلى ورگاننان ينتەرنەت الاياقتىعى ءۇشىن بەلگىسىز تۇلعالاردى جاۋاپقا تارتۋدى سۇراعان، دەپ حابارلايدى aqshamnews.kz
"بانك قىزمەتكەرىمىن دەپ تانىسقان": جەتىسۋ وبلىسىندا ءتىس قاققان الاياق ادامداردى الداپ 12 ميلليون تەڭگە تاپقان
2،7 ميلليون تەڭگەگە الداپ سوققان: پوليسەيلەر فورما كيىپ، ءوزىن ءىىم قىزمەتكەرىمىن دەپ تانىستىرعان الاياقتى اشكەرە ەتتى (ۆيدەو)
"الاياقتار جابىرلەنۋشىلەردىڭ ۇيالى تەلەفونىنا قوڭىراۋ شالىپ، وزدەرىن ۇلتتىق قاۋىپسىزدىك كوميتەتى مەن ۇلتتىق بانك قىزمەتكەرلەرىمىز دەپ تانىستىرعان. وسىلايشا ولاردىڭ سەنىمىنە كىرىپ، الاياقتىق جولمەن جالپى سوماسى 133 ميلليون 354 مىڭ 450 تەڭگە جىمقىرعان"، – دەلىنگەن ماڭعىستاۋ وبلىسى پوليسيا دەپارتامەنتىنىڭ حابارلاماسىندا.
پروكۋراتۋرانىڭ ۇيلەستىرۋىمەن پوليسەيلەر جابىرلەنۋشىلەردىڭ اقشاسى 20-دان استام ادامنىڭ ەسەپشوتىنا اۋدارىلعانىن انىقتادى.
"الاياقتاردىڭ باسىم بولىگى الماتى قالاسىنداعى جوعارى وقۋ ورىندارىنىڭ ستۋدەنتتەرى ەكەنى انىقتالدى. ولار 26 جانە 21 جاستاعى جەكە تۇلعالارعا اقشا اۋدارعان. كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى"، –دەلىنگەن حابارلامادا.
ءقازىر قىلمىستىق ءىس بويىنشا تەرگەۋ امالدارى جۇرگىزىلىپ جاتىر.