الماتىلىق كوللەدج ستۋدەنتتەرى فرانسيادا وتكەن WorldSkills حالىقارالىق چەمپيوناتىندا جۇلدەلى ورىنعا يە بولدى
تاريحتا تۇڭعىش رەت ۇلتتىق قۇراما فرانسۋز قالاسى ليوندا وتكەن 47ء-شى WorldSkills حالىقارالىق چەمپيوناتىندا 7 مەدالون جەڭىپ الىپ، جەتىستىككە جەتتى. ءبىزدىڭ ەلىمىزدىڭ نامىسىن 30 قۇزىرەتتىلىك بويىنشا 32 قاتىسۋشى جانە 30 حالىقارالىق ساراپشى قورعادى.
سونىڭ ىشىندە، الماتى قۇرىلىس-تەحنيكالىق كوللەدجىنىڭ ستۋدەنتى ميحايل پوپوۆ قۇرعاق قۇرىلىس جانە سىلاق جۇمىستارى» قۇزىرەتتىلىگى بويىنشا ۇزدىك دەپ تانىلسا، الماتى قالاسى «ادىلەت» كوللەدجىنىڭ ستۋدەنتى جانەل ساعىندىق «قوناق ءۇي رەسەپشيونيستى» قۇزىرەتتىلىگى بويىنشا توپ جاردى.
سونىمەن قاتار، «ۇلتتاعى ۇزدىك» نوميناسياسى بويىنشا بويىنشا ۇزدىكتەر:
رۋسلان يۋسۋپوۆ — ورال اقپاراتتىق تەحنولوگيالار كوللەدجىنىڭ ستۋدەنتى — «ۆەب-تەحنولوگيالار»؛
ايگەرىم دوسوۆا — شىمكەنت قالاسىنىڭ جەڭىل ونەركاسىپ جانە سەرۆيس كوللەدجى — «ءسان تەحنولوگياسى»؛
دانيار ابىكەنوۆ — قوستاناي اۆتوموبيل كولىگى كوللەدجىنىڭ ستۋدەنتى — «جەلىلىك جانە جۇيەلىك اكىمشىلەندىرۋ»؛
تيمۋر بابەنكو مەن ەلنار جۋاسبايەۆ — سەمەي قالاسىنىڭ راديوتەحنيكا جانە بايلانىس كوللەدجىنىڭ ستۋدەنتتەرى — «ءموبيلدى روبوتوتەحنيكا»؛
ارتۋر لەيمان — پاۆلودار سەرۆيس جانە تاماقتانۋ كوللەدجىنىڭ ستۋدەنتى — «مەيرامحانا سەرۆيسى».
قازاقستاندىق تەحنيكالىق جانە كاسىپتىك ءبىلىم بەرۋ ستۋدەنتتەرىن الەمدىك ارەناداعى جوعارى كورسەتكىشتەرىمەن قۇتتىقتايمىز!
WorldSkills Lyon — 2024 حالىقارالىق كاسىبي شەبەرلىك چەمپيوناتىنا 69 ەلدەن 1500-گە جۋىق كوللەدج ستۋدەنتتەرى قاتىستى.
انىقتاما: WorldSkills International 25 جاسقا دەيىنگى جاس مامانداردىڭ كاسىبي داعدىلارىن انىقتاۋعا جانە دامىتۋعا باعىتتالعان ءىرى حالىقارالىق جارىس بولىپ تابىلادى. چەمپيونات حالىقارالىق ىنتىماقتاستىقتى نىعايتۋعا جانە سيفرلىق ترانسفورماسيا جاعدايىندا جۇمىسشى ماماندىقتارى مەن زاماناۋي تەحنيكالىق ءبىلىمنىڭ ماڭىزدىلىعىن ارتتىرۋعا باعىتتالعان، وعان الەمنىڭ تۇكپىر-تۇكپىرىنەن قاتىسۋشىلار جينالادى. ماقساتى — بۇكىل الەم بويىنشا تەحنيكالىق ماماندىقتار بويىنشا كاسىبي دايارلىقتىڭ مارتەبەسى مەن ستاندارتتارىن ناسيحاتتاۋ. ەستەرىڭىزگە سالا كەتەيىك، 2023 جىلى قازاقستان قۇراماسى گدانسك قالاسىندا وتكەن EuroSkills چەمپيوناتىندا العاش رەت 2 مەدال جانە 4 مەدالون جەڭىپ الدى.