الماتىدا بوستاندىق اۋدانىندا جىلۋ جۇيەلەرىن جوندەۋگە بايلانىستى بۋحار-جىراۋ بۋلۆارىنداعى كولىك قوزعالىسى ۋاقىتشا جابىلادى، دەپ حابارلايدى aqshamnews.kz «الماتى جىلۋ جەلىلەرى» جشس-نە سىلتەمە جاساپ.
2024 جىلعى 17 قىركۇيەكتە ساعات 22:00-گە دەيىن بۋحار-جىراۋ بۋلۆارى بويىنداعى بايتۋرسىنوۆ پەن ماركوۆ كوشەلەرى ارالىعىندا كولىك قوزعالىسى باتىس باعىتتا جابىلادى. بۇل شەكتەۋلەر جىلۋ جۇيەلەرىندەگى گيدراۆليكالىق سىناقتار كەزىندە انىقتالعان اقاۋلاردى جوندەۋ ءۇشىن ەنگىزىلىپ وتىر. ماگيسترالدى جىلۋ جەلىسىن جوندەۋ جۇمىستارىنا 4 ارنايى تەحنيكا جانە 20 ادام جۇمىلدىرىلعان. تۇتىنۋشىلار ءۇشىن جىلۋ پارامەترلەرى وزگەرىسسىز قالادى. جولدىڭ اسفالت-بەتون جابىنى جوندەۋ اياقتالعاننان كەيىن قالپىنا كەلتىرىلەدى.
گيدراۆليكالىق سىناقتار جىلۋ جۇيەلەرىنىڭ جابدىقتارىنىڭ جاعدايىن تەكسەرۋ جانە اقاۋلاردى انىقتاۋ ماقساتىندا، قالاداعى الداعى جىلىتۋ ماۋسىمىنا دايىندىق اياسىندا جۇرگىزىلۋدە.
سىناقتار كەزىندە قاۋىپسىزدىك شارالارىنا قاراماستان، توتەنشە جاعدايلار بولۋى مۇمكىن. مۇنداي جاعدايدا ەشقانداي دەربەس ارەكەتتەر جاساماڭىز، دەرەۋ وقيعا ورنىنان شىعىپ، «الماتى جىلۋ جەلىلەرى» جشس-نا 378-06-48 (ىشكى 1014)، 378-06-62 (ىشكى 1013) نەمەسە 109 نومىرلەرى ارقىلى حابارلاسىڭىز.
ايتا كەتەيىك، قوزعالىس شەكتەۋلەرىنە قاتىستى بارلىق اقپارات Almaty.kz سايتىندا، Telegram-ارناسىندا @AlmatyJoly، اۋداندىق اكىمدىكتەردىڭ جانە باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە جاريالانعان.
ۋاقىتشا قولايسىزدىقتارعا تۇسىنىستىكپەن قاراپ، كورسەتىلگەن ۋچاسكەدەن الدىن الا اينالىپ ءوتۋدى جوسپارلاۋدى سۇرايمىز.