ستۋدەنت اسكەري ماقساتتا قولدانۋعا بولاتىن روبوت درونداردى جاسايدى.
4-كۋرس ستۋدەنتى بەكسۇلتان ايتەن بىرەر جىل بۇرىن كۋرەرلەردىڭ قىزمەتىن الماستىراتىن درون ويلاپ تاپقان. بۇل دروندار تاپسىرىس بەرۋشىگە بۋرگەر، پيسسا سىندى فاست-فۋدتى تەز ارادا جەتكىزە الادى، دەپ حابارلايدى Almaty-akshamy.kz Elorda.info.cىلتەمە جاساپ.
بۇل قۇرىلعى كاسىپكەرلەردىڭ قىزىعۋشىلىعىن تۋدىرعان.
«مەن قۇراستىرعان تاسىمالداۋشى دروندار تەك تاماق قانا ەمەس، جۇكتەردى دە قاجەتتى جەرگە جەتكىزە الادى. ءبىراق قازىرگى ۋاقىتتا بۇل درونعا تاماق، ياعني فاست-فۋد جەتكىزەتىن كاسىپكەرلەر قىزىعىپ جاتىر. مىسالى، تاماق تاسيتىن كۋرەر كۇنىنە 10-15 تاپسىرىس ورىنداپ، 200-300 مىڭ ايلىق السا، بۇل دروندار دا تۋرا سولاي تاپسىرىستى ورىنداپ، كوپ قاراجاتتى ۇنەمدەي الادى»، - دەدى ستۋدەنت.
بەكسۇلتان ايتەندە ءقازىر التى ءتۇرلى دروننىڭ ءپروتوتيپى بار.
«جوبالارىمدى الەۋمەتتىك جەلىگە سالىپ، تاپسىرىس قابىلدايمىن. درونداردى ساتىپ، ايىنا 1 ملن تەڭگەگە جۋىق اقشا تابامىن. ءبىر ايدا 3-4 جوباعا تاپسىرىس قابىلدايمىن»، - دەدى ول.
سونداي-اق ول الداعى جوسپارلارىمەن دە ىقىلاستانا ءبولىستى.
«اسكەري ماقساتتا قولدانۋعا بولاتىن روبوت درونداردى جاساۋ نيەتىم بار. بۇل ادام شىعىنىن ازايتۋعا كومەكتەسەدى. درونداردىڭ تەك تاماق پەن اسكەري باعىتتا ەمەس، مەديسينا سالاسىندا پايداسى كوپ بولارىنا سەنەمىن. مەن بولاشاقتا ادام تاسيتىن درون قۇراپ شىعارعىم كەلەدى»، - دەدى ستۋدەنت.