جەلىلەردى تارتۋ جانە اۋلالاردى جوندەۋ: الماتى اكىمىمەن كەزدەسۋدە ايتىلعان قالا تۇرعىندارىنىڭ ماسەلەسى قالاي شەشىلىپ جاتىر
الماتى اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزەكتى كەزدەسۋ وتكىزدى. قالا اكىمدىگىنىڭ باسپا ءسوز قىزمەتىندە 2023 جىلدىڭ قىركۇيەگىندە اۋدان تۇرعىندارىمەن كەزدەسۋدە مەگاپوليس باسشىسىنىڭ بەرگەن تاپسىرمالارى تۋرالى ايتىلدى.
- سونىمەن، بۇرىنعى «ۆوسحود»، «سادوۆود»، «ارداگەر» باۋ-باقشا سەرىكتەستىكتەرىنىڭ تۇرعىندارى تالايدان بەرى ايتىلىپ كەلە جاتقان كارىز جەلىلەرىن توسەۋ ماسەلەسىن كوتەردى. سونىڭ ناتيجەسىندە 8 كوشەدە 117 جەكە ءۇيدى نەمەسە 470 تۇرعىندى قامتيتىن ۇزىندىعى 5،2 شاقىرىم جەلىلەر سالىندى. بۇگىنگى تاڭدا ابونەنتتەردى قوسۋ جۇمىستارى قولعا الىنعان، ول ناۋرىز ايىندا بىتەدى.
- بۇعان قوسا، سايىن جانە ۇلىقبەك كوشەلەرىنىڭ اۋماعىندا سۋ قۇبىرى جەلىلەرىن قايتا جاڭارتۋدىڭ اياقتالماي قالۋى الاڭداۋشىلىق ايتىلدى. قورىتىندىسى بويىنشا وتكەن جىلدىڭ سوڭىنا دەيىن قايتا جاڭارتۋ اياقتالدى، اسفالت جابىنى وسى جىلدىڭ ءبىرىنشى توقسانىندا قالپىنا كەلتىرىلەدى.
- اۋدان حالقىنىڭ ءوتىنىشى بويىنشا جوسپارلانعان 23 مىڭنىڭ ورنىنا جالپى اۋدانى 56 مىڭ شارشى مەتر بولاتىن 47 كوشەدەگى جولدار اعىمداعى جوندەۋدەن ءوتتى. سونىمەن قاتار، ۇزىندىعى 11،4 كم بولاتىن 12 كوشەگە ورتاشا جوندەۋ جۇرگىزىلدى، سايىن كوشەسىندەگى 4 جەر استى وتكەلى جوندەلدى. بەرەگوۆوي جانە يۋ.كيم كوشەلەرىنىڭ قيىلىسىندا باعدارشام كەشەنى سالىندى.
- 7، 8، 9، 10،11، 12، جەتىسۋ-1،2،3،4 شاعىن اۋدان تۇرعىندارىنىڭ اۋلا اۋماقتارىن كۇردەلى جوندەۋدىڭ مەرزىمىنە قاتىستى الاڭداۋشىلىعى بولدى. سونىڭ ناتيجەسىندە قاراشا ايىندا ويىن الاڭدارىن، ترەناجەرلەردى ورناتۋمەن، جارىقتاندىرۋدى جاڭارتۋمەن جانە تاعى باسقالارمەن 161 اۋلانى كۇردەلى جوندەۋ اياقتالدى. بۇعان قوسا، 58 اۋلا اۋماعى اعىمداعى جوندەۋدەن ءوتتى.
- ءارى تكش جاڭعىرتۋ باعدارلاماسى اياسىندا 38 ۇيدە شاتىر مەن ينجەنەرلىك جەلىلەر جوندەلىپ، 57 ۇيدە 102 جەدەلساتى اۋىستىرىلدى. ساۋلەتتىك جارىقتاندىرۋ ورناتىلىپ، بەس ءۇيدىڭ قاسبەتىنە جوندەۋ جۇرگىزىلدى.
سونىمەن قاتار، قالا اكىمىنىڭ تاپسىرماسىمەن اۋداننىڭ اۋلالارىندا، ساياباقتارىندا جانە سكۆەرلەرىندە قوعامدىق قاۋىپسىزدىكتى ارتتىرۋ ماقساتىندا جىل قورىتىندىسى بويىنشا 800-گە جۋىق بەينەكامەرا ورناتىلدى.