ەشبىر جاعدايدا تاۋعا جالعىز بارماڭىز
اۋا رايىنىڭ ناشارلاۋىنا بايلانىستى توتەنشە جاعدايلار دەپارتامەنتى تۇرعىندارعا تاۋعا شىقپاۋعا كەڭەس بەردى، دەپ حابارلايدى Almaty-akshamy.kz.
«قازگيدرومەت» تاراتقان ەسكەرتۋ نەگىزىندە الماتىنىڭ توتەنشە جاعدايلار قىزمەتى تۇرعىندارعا تاۋعا شىقپاۋعا كەڭەس بەرەدى. 27 ناۋرىز كۇنى تاۋلى ايماقتاردا قالىڭ تۇمان ءتۇسىپ، قوكتايعاق بولادى. جاۋىن-شاشىن كۇتىلەدى.
وسىعان بايلانىستى تجد الماتى تۇرعىندارى مەن قوناقتارىنا مىناداي قاۋىپسىزدىك شارالارىن ساقتاۋدى ۇسىنادى:
- قاتتى جاۋىن-شاشىن ( قار، جاڭبىر) نەمەسە قاتتى داۋىل تۋرالى ەسكەرتۋ جاريالانعان جاعدايدا، تاۋلى ايماققا بارۋدى كەيىنگە قالدىرعان دۇرىس؛
- ەگەر ءسىز كىشىگىرىم توپىراق كوشكىندەرىن بايقاساڭىز، وندا تاۋعا بارماعانىڭىز ءجون. قارقىندى جاۋىن-شاشىن تۇسكەن جاعدايدا تومەن تاۋلى ايماقتا توپىراق كوشكىنى بولۋى مۇمكىن؛
- ەگەر ءسىز تاۋعا شىقساڭىز، مۇقيات بولىڭىز جانە اۋا رايىنىڭ وزگەرۋىن قاداعالاڭىز؛
- ەگەر ءسىز تاۋ بوكتەرىندە قاردىڭ جىلجۋىن، قاردىڭ تۇيىرشىكتەرىن بايقاساڭىز، وندا تاۋلارعا بارماعانىڭىز ءجون-بۇل قاردىڭ تۇراقسىز كۇيدە ەكەنىن، كوشكىننىڭ ءقاۋىپى مۇمكىن ەكەنىن بىلدىرەدى؛
- ۇيگە قايتۋدى تاۋلىكتىڭ كەش ۋاقىتىنا كەشىكتىرمەڭىز، كەرى باعىتتى تابا الماۋىڭىز مۇمكىن؛
- ريۋكزاكتاردا مىنالار بولۋى ءتيىس: جىلى كيىمدەر،كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىقتىقەتپەيدى؛
- ەشبىر جاعدايدا تاۋعا جالعىز بارماڭىز؛
- تۋعان-تۋىستارىڭىز بەن جاقىندارىڭىزدى مارشرۋتىڭىزدىڭ باعىتى جانە ورنالاسقان جەرىڭىزدى بارىنشا تولىق حاباردار ەتۋ وتە ماڭىزدى.