جوباعا 8 اتالىم بويىنشا بارلىعى 114 ۇمىتكەر قاتىستى
ۇلتتىق قۇندىلىقتاردىڭ ناسيحاتتالۋى مەن دامۋىنا ەلەۋلى ۇلەس قوسىپ جۇرگەن جاندار اراسىنداعى بايقاۋ بيىل ەكىنشى رەت ۇيىمداستىرىلىپ وتىر، دەپ حابارلايدى Almaty-akshamy.kz qazaqstan.tv-گە سىلتەمە جاساپ.
جوباعا 8 اتالىم بويىنشا بارلىعى 114 ۇمىتكەر قاتىستى. بايقاۋ قاتىسۋشىلارىنا داۋىس بەرۋ «Qazaqstan» تەلەارناسىنىڭ رەسمي سايتى ارقىلى جۇرگىزىلىپ، ءار اتالىم بويىنشا ەڭ كوپ داۋىس جيناعان جەڭىمپاز «تايقازان» ەستەلىك ستاتۋەتكاسى جانە 500 مىڭ تەڭگە اقشالاي سىيلىقپەن ماراپاتتالدى.
قازاقستاندىقتاردىڭ داۋىس بەرۋى ناتيجەسىندە «ۇزدىك ايتىسكەر» اتالىمىندا بەكارىس شويبەكوۆ، «ۇزدىك كۇيشى» نۇركەن ءاشىروۆ، «ۇزدىك ءانشى» ەرلان رىسقالي، «ۇزدىك جىرشى» نوميناسياسىندا وسپان قۇلسىماقوۆ، «ۇزدىك زەرگەر» وتەپقالي ءومىروۆ، «ۇزدىك شەبەر» ازات ۇزەنبايەۆ، «ۇزدىك توقىما شەبەرى» اتالىمىندا قازيپا مۇحامەتقالي جەڭىمپاز اتاندى.