ول ءوز قاتەلىگىن بىردەن مويىندادى
الماتىدا جولاۋشىلارمەن بىرگە اۆتوبۋسقا كىرگەن جىلقىنىڭ يەسى ايىپپۇل ارقالادى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
ەسكە سالايىق، بۇل دەرەك الەۋمەتتىك جەلىلەرگە جۇرگىزىلگەن مونيتورينگ ناتيجەسىندە بەلگىلى بولدى.
«جەدەل-ىزدەستىرۋ ءىس-شارالارى بارىسىندا ءبىزدىڭ بولىمشەنىڭ تابيعاتتى قورعاۋ پوليسياسى ءبولىمى №12 اۆتوبۋسپەن جىلقىسىن تاسىمالداپ كەلە جاتقان ج. ەسىمدى ازاماتتى انىقتادى. ول ءوز قاتەلىگىن بىردەن مويىندادى. جىلقى يەسى ق ر اقبك-نىڭ 407-2 بابى 1-بولىگىنىڭ 5-تارماعى (قازاقستان رەسپۋبليكاسىنىڭ اسىل تۇقىمدى مال شارۋاشىلىعى تۋرالى زاڭناماسىن بۇزۋ) بويىنشا اكىمشىلىك جاۋاپكەرشىلىككە تارتىلادى. وسى رەتتە ونىمەن الداعى ۋاقىتتا مۇنداي زاڭ بۇزۋشىلىقتارعا جول بەرمەۋ ماقساتىندا قۇقىقتىق ءتۇسىندىرۋ جۇمىستارى جۇرگىزىلدى»، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.