بۇل جولى الاياقتىق قۇربانى الماتى پوليسياسىنا العىسىن ءبىلدىردى.
قىرعىزستان ازاماتى بوستاندىق اۋداندىق پب-نىڭ قىزمەتكەرلەرىنە العىسىن ءبىلدىردى.
– بوستاندىق اۋداندىق پوليسيا باسقارماسىنىڭ تەرگەۋشىسى نۇرسۇلتان تالعات پەن بوستاندىق اۋداندىق پب باستىعىنىڭ ورىنباسارى ەلدوس باقبەرگەنوۆكە ۇلكەن العىسىمىزدى بىلدىرەمىز. كاسىبيلىكتىڭ ارقاسىندا كريپتوۆاليۋتاعا قاتىستى الاياقتىق ءۇشىن قوزعالعان قىلمىستىق ءىس بويىنشا تەرگەۋ اياقتالدى. كىنالىلەر انىقتالىپ، ۇستالدى، كريپتوۆاليۋتاداعى اكتيۆتەرىم ماعان قايتارىلدى. تەرگەۋشى وقيعانىڭ بارلىق ءمان-جايىن انىقتاپ، ينتەرنەت-الاياقتىق ىستەرىن قاداعالايتىن حالىقارالىق ۇيىممەن بايلانىسقا شىقتى، سونىمەن قاتار كريپتوۆاليۋتا بيرجاسىنىڭ وكىلدەرىمەن كاسىبي تۇردە ديالوگ جۇرگىزدى. جۇمىس تولىق كولەمدە ورىندالىپ، ءىستىڭ بىلىكتىلىگى دۇرىس انىقتالىپ، ءبىرقاتار ساراپتامالار جۇرگىزىلدى. وسى قىزمەتكەرلەردىڭ كاسىبي جانە ادامي قاسيەتتەرىن الماتى پوليسياسىنىڭ باسشىلىعىنا جەتكىزۋدى ازاماتتىق بورىشىم دەپ سانايمىن، – دەدى العىس حاتتىڭ اۆتورى.
ەستەرىڭىزگە سالا كەتەيىك، تاياۋ كۇندەرى فرانسيالىق ازامات تا قالامىزدىڭ ءتارتىپ ساقشىلارىنا العىسىن جاۋدىرعان بولاتىن.