كەزدەسۋدە ءبىلىم بەرۋ سالاسىن دامىتۋداعى نەگىزگى مىندەتتەر مەن باسىمدىقتار تالقىلاندى.
عاني بەيسەمبايەۆ ءبىلىم بەرۋ ەلىمىزدىڭ الەۋمەتتىك ساياساتىنىڭ نەگىزگى باسىمدىقتارىنىڭ ءبىرى رەتىندە مەملەكەت باسشىسىنىڭ تاراپىنان ايتارلىقتاي قولداۋعا يە بولىپ وتىرعانىن اتاپ ءوتتى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
ءبىلىم بەرۋ ينفراقۇرىلىمدارىن جاڭعىرتۋ بويىنشا ءبىرقاتار شارالار جۇزەگە اسىرىلۋدا، ونىڭ ىشىندە جاڭا مەكتەپتەر سالۋ، زاماناۋي كابينەتتەرمەن جابدىقتاۋ، ءبىلىم بەرۋ ۇيىمدارىن رەنوۆاسيالاۋ جۇمىستارى جۇرگىزىلۋدە.
«ءبىلىم بەرۋدەگى باستى مىندەتتەردىڭ ءبىرى ونىڭ ساپاسىن ارتتىرۋ بولىپ تابىلادى. ءبىرىنشى رەت زاڭ جۇزىندە «ءبىلىم ساپاسى» ۇعىمى بەكىتىلىپ، ءبىلىم بەرۋ ساپاسىن باعالاۋدىڭ ۇلتتىق جۇيەسىنىڭ ۇلگىسى قالىپتاستىرىلدى. الايدا، ءبىلىم بەرۋ ىسىندەگى باستى تۇلعا – پەداگوگ بولىپ قالا بەرەدى جانە تۇتاس قوعامنىڭ بولاشاعىنىڭ تابىستىلىعى ونىڭ كاسىبيلىگىمەن تىعىز بايلانىستى. پەداگوگتەردىڭ جۇمىس جاساۋى ءۇشىن جايلى ورتا قالىپتاستىرۋ ماڭىزدى، ول ءۇشىن وڭىرلەر جەرگىلىكتى جەرلەردە زاڭداردىڭ جۇزەگە اسىرىلۋىن قامتاماسىز ەتۋى كەرەك. اسىرەسە، جاڭاشىلدىعى مەن شىعارماشىلىعى ءبىلىم ساپاسىن جاقسارتۋعا، بالالارىمىزدىڭ دامۋىنا ىقپال ەتكەن پەداگوگتەردى قولداۋعا كوڭىل ءبولۋ كەرەك»، - دەپ اتاپ ءوتتى مينيستر.
عاني بەيسەمبايەۆ پەداگوگتەردىڭ قوعامداعى ءرولىن كۇشەيتۋگە ەرەكشە نازار اۋدارىپ، پەداگوگتەرگە بارىنشا قولداۋ كورسەتۋدى تاپسىردى. بۇل - پەداگوگتەردىڭ جۇمىس جاعدايىن جاقسارتۋ، بىلىكتىلىكتەرىن ارتتىرۋ جانە بالاعا ساپالى ءبىلىم مەن سانالى تاربيە بەرۋدەگى باستى تۇلعا رەتىندە باعالاۋ.
سونداي-اق ۆەدومستۆو باسشىسى وتكەن وقۋ جىلىنان باستاپ وقۋ پروسەسىنە ەنگىزىلگەن «ءبىرتۇتاس تاربيە باعدارلاماسىنا» توقتالىپ ءوتتى. بيىلعى وقۋ جىلىندا باعدارلاما قايتا جاڭارتىلىپ، ادىلەتتى مەملەكەت، جاۋاپتى ازامات جانە پروگرەسسيۆتى ۇلت قۇندىلىقتارىمەن تولىقتىرىلدى. سونىمەن قاتار وڭىرلەرگە «ءبىلىم بەرۋدەگى وزگەرىستەردىڭ 1000 كوشباسشىسى» بادارلاماسى، بالالاردىڭ قۇقىقتارىن قورعاۋ، ءبىلىم ساپاسىن ارتتىرۋ، مەكتەپتەردىڭ اتا-انالارمەن ىنتىماقتاستىعى بويىنشا جۇمىستاردى كۇشەيتۋ قاجەت.