الماتىلىق پوليسەيلەر ءىرى كولەمدەگى ەسىرتكىنى تاركىلەدى

كۇدىكتىلەر قامالدى.

الماتىدا ماريحۋانانىڭ ءىرى پارتياسى تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.

ءتارتىپ ساقشىلارى الماتىنىڭ الاتاۋ اۋدانىندا تۇسكى ساعات ۇشتەر شاماسىندا ەسىرتكى ساتۋمەن اينالىسقان ادامداردى ۇستادى. پاترۋلدىك پوليسەيلەر 13ء-شى شاعىناۋدانداعى ۇيلەردىڭ بىرىندە ۇيدەگى ادامدار ەسىرتكىنىڭ ءىرى پارتياسىن جاسىرىپ وتىرعانى تۋرالى سيگنالدى تەكسەردى.

«بۇل حابارعا "بۋران-033" جانە "بۋران-008" ەكيپاجدارى ءبىرىنشى بولىپ ارەكەت ەتتى. ءبىرىنشى قاباتتاعى پاتەر ەسىگىن اشتى، ءبىراق پوليسەيلەردى ىشكە كىرگىزبەي قويدى. وسىنشاما قارسىلىقتىڭ سەبەبى كەيىن بەلگىلى بولدى. التى تۇرعىننىڭ ءبىرى ىڭعايلى ءساتتى پايدالانىپ، اۋزىنا دەيىن شوپكە تولتىرىلعان قوڭىر سومكەنى وزىمەن بىرگە الىپ، بالكوننىڭ تەرەزەسىنەن قاشىپ كەتپەكشى بولعان. الايدا بۇل ارەكەتى ءساتسىز اياقتالدى. قاشىپ كەتۋى مۇمكىن بولاتىنىن الدىن الا بولجاعان پاترۋلدىك پوليسيا قىزمەتكەرلەرى تەرەزە الدىندا تۇزاق قۇردى»، – دەدى الماتى قالالىق پد جپقب پاترۋلدىك پوليسيا پولكىنىڭ كومانديرى باۋىرجان حانتەمىروۆ.

قاسكويلەردىڭ ەسىرتكى ساقتاعان تۇرعىن ءۇيىن تەكسەرۋگە الاتاۋ اۋداندىق پوليسيا باسقارماسىنىڭ تەرگەۋ-جەدەل توبى جۇمىلدىرىلدى. ايتپاقشى، پاتەردە ءيىس بولدى: كۇدىكتىلەر ەسىرتكىنى ءدال وسى جەردە قولدانعان بولۋى دا مۇمكىن.

«جۇرگىزىلگەن سوت-حيميالىق ساراپتاما سومكەدە ماريحۋانا ساقتالعانىن انىقتادى. ونىڭ سالماعى 5 كەلى 312 گرامدى قۇرادى. تەرگەۋشىلەر ءشوپتىڭ وسى پاتەردىڭ تۇرعىندارىنىڭ ءبىرى – تۇركىستان وبلىسىنىڭ تۇرعىنى  27 جاستاعى د. ەسىمدى ازاماتقا تيەسىلى ەكەنىن انىقتادى. ول بۇرىن دا ەسىرتكى قىلمىسى ءۇشىن سوتتى بولعان. سوتقا دەيىنگى تەرگەۋ ءجۇرىپ جاتىر. ونىڭ بارىسىندا الماتىعا ەسىرتكى جەتكىزۋ ارناسى جانە ونى ساقتاۋ ماقساتى انىقتالاتىن بولادى»، – دەدى حانتەمىروۆ.