الماتىلىق پوليسەيلەر دە كوشەت ەگۋدەن قالىس قالمادى

الماتىدا 100-گە جۋىق پوليسەي الما اعاشتارىن وتىرعىزدى.

الماتى قالالىق پوليسيا دەپارتامەنتىنىڭ قىزمەتتەرى مەن بولىمشەلەرىنىڭ 100-گە جۋىق قىزمەتكەرى “تازا قازاقستان” رەسپۋبليكالىق ەكولوگيالىق ناۋقانى اياسىندا شاھاردىڭ يندۋستريالىق ايماعىندا ورنالاسقان “الا ساياباعىندا” اعاش وتىرعىزۋعا جانە قالالىق سەنبىلىككە قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«سونىمەن قاتار 8 ءساۋىر مەن 8 مامىر ارالىعىندا قالادا “الماتى – ءبىزدىڭ ورتاق ءۇيىمىز” ناۋقانى وتۋدە، ونىڭ نەگىزگى ماقساتى – قالا ينفراقۇرىلىمىنا قامقورلىق جاساۋ قۇندىلىقتارىن دامىتۋ، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋ، جەكە ەكولوگيالىق باستامالاردى قولداۋ جانە ولاردى جۇزەگە اسىرۋ ءۇشىن جاعداي جاساۋ. پوليسيا قىزمەتكەرلەرى شەتتە قالماي، بەلسەندىلىك تانىتىپ، الما اعاشىنىڭ ەرەكشە سورتىنىڭ جۇزدەگەن كوشەتىن وتىرعىزدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ەرجان ۇزابايەۆ.

“الا ساياباعىنداعى” سەنبىلىك شاراسىن ۇيىمداستىرۋشىلاردىڭ ايتۋىنشا، وعان الماتى قالاسىنىڭ تۇرعىندارى، ەرىكتىلەر، سپورتشىلار مەن باسقا دا ۇيىمداردىڭ قىزمەتكەرلەرىنەن 1،5 مىڭنان استام ادام قاتىستى.