29 ءساۋىر ق ر كولىك مينيسترلىگى مەن «قازاۆتوجول» ۇك» اق باستاماسىمەن رەسپۋبليكالىق ماڭىزى بار اۆتوموبيل جولدارىنىڭ ساپاسىن تەكسەرۋ بويىنشا كەڭ اۋقىمدى «حالىقتىق باقىلاۋ» جوباسى ىسكە قوسىلدى.
بۇل جوبا قوعامنىڭ ەلىمىزدەگى جول نىساندارىنىڭ ساپاسىن ارتتىرۋعا بەلسەندى قاتىسۋعا باعىتتالعان، دەپ حابارلايدى Almaty-akshamy.kz ق ر كولىك مينيسترلىگىنە سىلتەمە جاساپ.
جوبانىڭ ماقساتى – قازاقستاننىڭ ءاربىر ازاماتىن سالىنىپ جاتقان رەسپۋبليكالىق ماڭىزى بار اۆتوموبيل جولدارى بويىنشا قوعامدىق باقىلاۋعا شاقىرۋ. كولىك مينيسترلىگى ءوز كەزەگىندە انىقتالعان كەمشىلىكتەر مەن ماسەلەلەرگە دەن قويىپ، ونى قىسقا مەرزىمدە شەشۋدى قامتاماسىز ەتەدى. جوباعا قاتىسۋ ءۇشىن 1403 بايلانىس ورتالىعىنا حابارلاسىپ، ءوتىنىم قالدىرۋ كەرەك.
تىركەۋ كەزىندە ءاتى-جونىن، بايلانىس ءنومىرىن، سونداي-اق تۇراتىن ەلدى مەكەن مەن وبلىستى كورسەتۋ قاجەت. نىسانداردى ارالاۋ كەستەسىمەن «قازاۆتوجول» ۇك» اق www.qaj.kz رەسمي سايتىندا تانىسۋعا بولادى. «حالىقتىق باقىلاۋ» جوباسى رەسپۋبليكالىق ماڭىزى بار اۆتوموبيل جولدارىن بارلىق جول قوزعالىسىنا قاتىسۋشى ءۇشىن ءقاۋىپسىز ءارى ساپالى ەتۋگە ارنالعان.