الماتىلىق پوليسەيلەر قاراۋسىز جۇرگەن بالالار ءۇشىن 312 اتا-انانى جاۋاپقا تارتتى.
بالالار قۇقىقتارىنىڭ بۇزىلۋىنا جول بەرمەۋ جانە ولاردىڭ اتا-انالارىنىڭ قاراۋىنسىز قالماۋىن قاداعالاۋ ماقساتىندا “ءجاسوسپىرىم” جەدەل الدىن الۋ ءىس-شارالارى وتكىزىلەدى، دەپ حابارلايدى Almaty-akshamy.kz.
«اتالعان ءىس-شارانىڭ ماقساتى – تۇنگى ۋاقىتتا اتا-انالارىنىڭ قاراۋىنسىز كوڭىل كوتەرۋ مەن ساۋىقتىرۋ مەكەمەلەرىندە جانە ويىن كلۋبتارىندا جۇرگەن جاسوسپىرىمدەردى اشكەرەلەپ، سونداي-اق قوعامعا جات ادەتتەرگە بالالاردى يتەرمەلەيتىن جانە ولارعا الكوگول مەن تەمەكى ونىمدەرىن ساتاتىن ءتۇلعالاردى سونىمەن قاتار، بالالارىن قاراۋسىز قالدىراتىن اتا-انالاردى انىقتاپ جاۋاپكەرشىلىككە تارتۋ بولىپ تابىلادى»، – دەدى الماتى قالاسى پد جپقب يۋۆەنالدى پوليسيا ءبولىمىنىڭ باستىعى جاننا شونجانوۆا.
ءىس شارا بارىسىندا ءتۇرلى قۇقىق بۇزعان 376 جەتكىنشەك ونىڭ ىشىندە 312 تۇنگى ۋاقىتتا ءىىو-عا جەتكىزىلىپ، قاراۋسىز قالعان 40 بالا بالالاردى قورعاۋ ورتالىعىنا ورنالاستىرىلدى. ارنايى ەسەپكە 25 ءجاسوسپىرىم تىركەلىپ، بالا تاربيەسىندە ءوز مىندەتتەرىن ورىندامايتىن 35 اتا-انا انىقتالدى.
«ال تۇنگى ۋاقىتتا اتا-انالارىنىڭ نەمەسە ولاردىڭ زاڭدى وكىلدەرىنىڭ قاراۋىنسىز كوڭىل كوتەرۋ ورتالىقتارىندا جۇرگەن بالالار ءۇشىن 312 اتا-انا اكىمشىلىك جاۋاپكەرشىلىككە تارتىلدى. ەسكەرتە كەتەتىن ءبىر جايت، كەز-كەلگەن اتا-انا ءوز بالالارىن قاراۋسىز قالدىرماۋ كەرەك. سەبەبى بالالار ءتۇرلى جاعدايلارعا دۋشار بولىپ نەمەسە قۇقىق بۇزۋشىلىققا جول بەرۋى مۇمكىن. سونداي-اق جاسوسپىرىمدەرگە قاتىستى قىلمىس جاسالۋ ءقاۋپى بار. بالا تاربيەسىنە جاۋاپكەرشىلىكپەن قاراۋدى ۇمىتپاڭىز»، – دەپ قورىتىندىلادى جاننا شونجانوۆا.